കോട്ടയത്ത് യുവാവിനെ തല്ലിക്കൊന്ന് മൃതദേഹം പോലീസ് സ്റ്റേഷന് മുന്നിൽ തള്ളി.
കോട്ടയം: കോട്ടയത്ത് യുവാവിനെ തല്ലിക്കൊന്ന് മൃതദേഹം പോലീസ് സ്റ്റേഷന് മുന്നിൽ തള്ളി. കോട്ടയം ഈസ്റ്റ് പോലീസ് സ്റ്റേഷന് മുന്നിലാണ് മൃതദേഹം തള്ളിയത്. വിമലഗിരി കീഴ്കുന്ന് സ്വദേശി ഷാൻ ബാബു (19) ആണ് കൊല്ലപ്പെട്ടത്.
സംഭവത്തിൽ ഗുണ്ടാ ലിസ്റ്റിലുള്ള കെ.ഡി. ജോമോനെ പോലീസ് കസ്റ്റഡിയിലെടുത്തു. ജോമോന്റെ നേതൃത്വത്തിലുള്ള സംഘം ഷാനെ വീട്ടിൽനിന്നും തട്ടിക്കൊണ്ടു പോകുകയായിരുന്നുവെന്നാണ് സൂചന.ഇന്ന് പുലർച്ചെ രണ്ടിന് ജോമോൻ മൃതദേഹം തലചുമടായി കൊണ്ടുവന്ന് പോലീസ് സ്റ്റേഷനു മുന്നിൽ തള്ളുകയായിരുന്നു. അതിനുശേഷം താൻ ഒരാളെ കൊന്നുവെന്ന് പോലീസിനോട് ജോമോൻ വിളിച്ചു പറയുകയായിരുന്നു.ഉടൻ തന്നെ ജോമോനെ പോലീസ് കീഴ്പ്പെടുത്തി. ഷാനെ പോലീസ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.