വണ്ണപ്പുറത്ത് ഓട്ടോറിക്ഷ മറിഞ്ഞ് ഡ്രൈവര്‍ മരിച്ചു
വണ്ണപ്പുറം: മുള്ളരിങ്ങാട്-കോട്ടപ്പാറ റൂട്ടില്‍ ഓട്ടോറിക്ഷ മറിഞ്ഞ് ഡ്രൈവര്‍ മരിച്ചു. മാമ്പാറ കുമ്പക്കാട്ട് പ്രശാന്ത് (കുഞ്ഞ്-56) ആണ് മരിച്ചത്.
ബുധനാഴ്ച രാത്രി എട്ടോടെ മാമ്പാറയ്ക്ക് സമീപമാണ് അപകടമുണ്ടായത്. റോഡിലെ വെള്ളംകെട്ടി നിന്ന കുഴിയില്‍ മുന്‍ചക്രം കുടുങ്ങി ഓട്ടോറിക്ഷ മറിയുകയായിരുന്നു. പ്രശാന്ത് ഓട്ടോറിക്ഷയുടെ അടിയില്‍പ്പെട്ടു. ഗുരുതരമായി പരിക്കേറ്റ പ്രശാന്തിന് ഉടന്‍ തൊടുപുഴയിലെ ജില്ലാ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല.
