ബ്രഹ്മപുരം തീപിടുത്തം; അട്ടിമറിയില്ലെന്ന് പോലീസ് റിപ്പോർട്ട്, തീപിടുത്തത്തിന് കാരണം അമിത ചൂട്
കൊച്ചി: ബ്രഹ്മപുരം തീപിടുത്തത്തില് അട്ടിമറിയില്ലെന്ന് പോലീസ് അന്വേഷണ റിപ്പോര്ട്ട്. അമിതമായ ചൂടാണ് തീപിടുത്തത്തിന് കാരണം. മാലിന്യത്തിന്റെ അടിത്തട്ടില് ഉയര്ന്ന താപനില തുടരുകയാണ്. പ്ലാന്റില് ഇനിയും തീപിടുത്തിന് സാധ്യതയുണ്ടെന്നും കൊച്ചി സിറ്റി പോലീസ് കമ്മീഷണര് സമര്പ്പിച്ച റിപ്പോര്ട്ടില് പറയുന്നു. പ്ലാന്റിലെ ജീവനക്കാരുടെയും കരാര് കമ്പനി ഉദ്യോഗസ്ഥരുടെയും മൊഴിയെടുത്തിരുന്നു. സിസിടിവി ക്യാമറകളും മൊബൈല് ഫോണുകളും പരിശോധിച്ചു. വിശദ പരിശോധന കഴിഞ്ഞ ശേഷമാണ് അട്ടിമറിയില്ലെന്ന് സ്ഥിരീകരിച്ച് റിപ്പോര്ട്ട് നല്കിയതെന്ന് പോലീസ് പറയുന്നു.