വടയമ്പാടി കർഷക സമിതി കാവുംപാടത്ത് നടത്തുന്ന നെൽകൃഷിക്ക് തുടക്കമായി.
കോലഞ്ചേരി:വടയമ്പാടി കർഷക സമിതി കാവുംപാടത്ത് നടത്തുന്ന നെൽ കൃഷി പൂത്തൃക്ക ഫാർമേഴ്സ് ബാങ്ക് പ്രസിഡൻറ് എം.എസ്സ്. മുരളീധരൻ വിത്ത് വിതച്ച് ഉത്ഘാടനം ചെയ്തു.വാർഡ് മെമ്പർ ജോൺ ജോസഫ്,വി.കെ.രാജൻബലിമോളത്ത്,പി.കെ.നാരയണൻകുട്ടി,എൻ.ടി.കുഞ്ഞുകുട്ടൻ എന്നിവർ നേതൃത്വം നല്കി. പൂത്തൃക്ക പഞ്ചായത്തിലെ രണ്ടാം വാർഡിലെ തൊഴിലുറപ്പ് തൊഴിലാളികൾ രണ്ടാഴ്ച കൊണ്ടാണ് പാടശേഖരത്തിലെ തോടുകൾ മുഴുവൻ ചെളിനീക്കം ചെയ്ത് നീരൊഴുക്ക് സുഗമമാക്കിയത്.ഇതോടെ വടയമ്പാടി ഭഗവതി ക്ഷേത്രത്തിനു മുന്നിലെ 10 ഏക്കറോളം പാടം ഇത്തവണ നെൽ കതിരണിയും.