സ്വകാര്യ ബസ് സമരം പിൻവലിച്ചു
കോട്ടയം: സംയുക്ത സമര സമിതി ഇന്നു മുതൽ നടത്താനിരുന്ന സ്വകാര്യ ബസ് സമരം പിൻവലിച്ചു.കോട്ടയം നാട്ടകം ഗസ്റ്റ്ഹൗസിൽ ഇന്നലെ രാത്രി മന്ത്രി ആന്‍റണി രാജു ബസ് ഉടമകളുമായി നടത്തിയ ചർച്ചയുടെ അടിസ്ഥാനത്തിലാണ് തീരുമാനം. നിരക്കുവർധന അടക്കമുള്ള ആവശ്യങ്ങളിൽ ചർച്ച തുടരും. ഈ മാസം 18നകം പ്രശ്ന പരിഹാരം ഉണ്ടാകുമെന്നും മന്ത്രി പറഞ്ഞു.വിദ്യാർഥികളുടെ ഉൾപ്പെടെയുള്ള യാത്രാനിരക്ക് വർധിപ്പിക്കണമെന്ന് ആവശ്യപ്പെട്ടാണ് ബസുടമകൾ സമരം പ്രഖ്യാപിച്ചിരുന്നത്. ഡീസൽ സബ്സിഡി നൽകണമെന്നും ബസുടമകളുടെ സംഘടന ആവശ്യപ്പെട്ടു. മിനിമം ചാർജ് 12 രൂപയാക്കണം എന്നായിരുന്നു സ്വകാര്യ ബസുടമകളുടെ പ്രധാന ആവശ്യം.സമരത്തിൽനിന്ന് പിന്മാറണമെന്ന് സർക്കാർ ആവശ്യപ്പെട്ടതിനെ തുടർന്നാണ് പുതിയ തീരുമാനമെന്നു ബസ് ഉടമ സംയുക്ത സമിതി സംഘടനാ പ്രതിനിധികൾ പറഞ്ഞു.
