പോലീസ് വായ്പാ സഹകരണ സംഘം ഭരണസമിതിയെ തിരഞ്ഞെടുത്തു

   

മൂവാറ്റുപുഴ: എറണാകുളം ജില്ലാ പോലീസ് വായ്പാ സഹകരണ സംഘത്തിന്റെ 2022 – 2027 വർഷത്തേക്കുള്ള ഭരണസമിതി അംഗങ്ങളെ തിരഞ്ഞെടുത്തു. ഇ.കെ.അനിൽകുമാർ, പി.ജി.അനിൽകുമാർ എന്നിവരുടെ നേതൃത്വത്തിലുള്ള ഭരണസമിതിയാണ് അധികാരത്തിൽ വന്നത്.ഈ മാസം 28 ന് പുതിയ ഭാരവാഹികൾ ചുമതലയേൽക്കുമെന്ന് ഡി.പി.സി.സി.എസ് പ്രസിഡന്റ് ഇ.കെ.അനിൽകുമാർ അറിയിച്ചു.

കഴിഞ്ഞ 5 വർഷക്കാലം മികച്ച പ്രവർത്തനങ്ങളാണ് പോലീസ് സംഘം കാഴ്ച വച്ചത്. ഡിജിറ്റൽ ബാങ്കിംഗ് നടപ്പാക്കാനും നീതി മെഡിക്കൽസിൻ്റെ പ്രവർത്തനം വ്യാപിപ്പിക്കാനും ഇ. ഡി.പി.സി.സി.എസിന് സാധിച്ചു. കേരള സർക്കാരിൻ്റെ മികച്ച രണ്ടാമത്തെ എംപ്ലോയീസ് സഹകരണ സംഘത്തിനുള്ള അവാർഡ് ഇ. ഡി.പി.സി.സി.എസ് കരസ്ഥാക്കി.