പള്ളിച്ചിറങ്ങര വാഹനാപകടം; രക്ഷാപ്രവർത്തകരെ ഡിവൈഎഫ്ഐ ആദരിച്ചു
മൂവാറ്റുപുഴ: പള്ളിച്ചിറങ്ങര വാഹനാപകടത്തിൽപ്പെട്ട കുടുംബത്തെ രക്ഷിക്കുന്നതിൽ വലിയ പങ്ക് വഹിച്ച ഫിറോസ് മുഹമ്മദിനെയും, രതീഷ് സി. എസ്. നെയും ഡി.വൈ.എഫ്.ഐ. പായിപ്ര മേഖല കമ്മറ്റിയുടെ ആഭിമുഖ്യത്തിൽ ആദരിച്ചു. ഇവരുടെ സമയോചിതമായ ഇടപെടലാണ് 6 ജീവനുകൾ രക്ഷപെടുത്താൻ സഹായിച്ചത്.
ജില്ല സെക്രട്ടറിയേറ്റ് അംഗം അനീഷ് എം. മാത്യു ഉപഹാരം കൈമാറി. ബ്ലോക്ക്‌ ട്രെഷറർ റിയാസ് ഖാൻ, മേഖല പ്രസിഡന്റ്‌ അൻസൽ മുഹമ്മദ്‌, ട്രെഷറെർ അജിൻ അശോക്, ലാൽമുഹമ്മദ്‌ ഷിയാസ് മത്തുംകാട്ടിൽ തുടങ്ങിയവർ പങ്കെടുത്തു.
