ശുചീകരണ പ്രവര്‍ത്തനങ്ങളുമായി എല്‍ദോ ഏബ്രഹാം എംഎല്‍എ
മൂവാറ്റുപുഴ: കോവിഡ് 19 ആശങ്കയില്‍ സ്വയം സംരക്ഷണ കവചം തീര്‍ക്കാന്‍ രാജ്യം ജനത കര്‍ഫ്യു ആചരിക്കുന്പോള്‍ കര്‍ഫ്യു ദിനത്തില്‍ വീടും പരിസരവും ശുചീകരിക്കണമെന്ന സര്‍ക്കാര്‍ നിര്‍ദ്ദേശത്തെ ഏറ്റെടുത്ത് ശുചീകരണ പ്രവര്‍ത്തനങ്ങളുമായി എല്‍ദോ ഏബ്രഹാം എംഎല്‍എയും കുടുംബവും. ജനത കര്‍ഫ്യൂവിന് പിന്തുണയര്‍പ്പിച്ച്‌ ഇന്നലെ പരിപാടികളെല്ലാം ഒഴിവാക്കി വീട്ടില്‍ കുടുംബത്തോടൊപ്പം ചെലവഴിക്കാനാണ് സമയം കണ്ടെത്തിയത്. രാവിലെ മുതല്‍ വീടും പരിസരവും ശുചീകരിക്കുന്ന പ്രവര്‍ത്തിയിലായിരുന്നു.അപ്രതീക്ഷിതമായി ശനിയാഴ്ച വൈകുന്നേരം വേനല്‍ മഴ ലഭിച്ചതിനാല്‍ വാഴ, പച്ചക്കറി അടക്കമുള്ള തൈകളും ചെടികള്‍ നടാനും സമയം കണ്ടെത്തി
