കടാതി റൂറല് സഹകരണ സംഘത്തിന്റെ ആഭിമുഖ്യത്തില് സൗജന്യമായി ഭക്ഷ്യധാന്യ കിറ്റുകള് വിതരണം ചെയ്തു
മൂവാറ്റുപുഴ: ലോക്ക്ഡൗണ് മൂലം ദുരിതത്തിലായ ആയിരത്തോളം കുടുംബങ്ങള്ക്ക് കടാതി റൂറല് സഹകരണ സംഘത്തിന്റെ ആഭിമുഖ്യത്തില് സൗജന്യമായി ഭക്ഷ്യധാന്യ കിറ്റുകള് വിതരണം ചെയ്തു. 13 ഇനം ഭക്ഷ്യവസ്തുക്കള് അടങ്ങിയ കിറ്റുകള് ഭരണ സമിതിയംഗങ്ങളും ജീവനക്കാരും ചേര്ന്ന് വീടുകളിലെത്തിച്ച് നല്കുകയായിരുന്നു. ഭക്ഷ്യ ധാന്യ കിറ്റുകളുടെ വിതരണം പ്രസിഡന്റ് പി.പി. എല്ദോസ് നിര്വഹിച്ചു. സെക്രട്ടറി ജിജി ജോര്ജ്, ഭരണ സമിതിയംഗങ്ങളായ ഷേര്ളി പൗലോസ്, അമല് ബാബു, ഷീനാ ജോസ്, ഷൈനാ സാജു എന്നിവര് പങ്കെടുത്തു.
അങ്കമാലി: ലോക്ക് ഡൗണില് ബുദ്ധിമുട്ടുന്ന 135 കുടുംബങ്ങള്ക്കു കരിപ്പാശേരി സെന്റ് അഗസ്റ്റിന്സ് ഇടവകയിലെ കത്തോലിക്ക കോണ്ഗ്രസിന്റെ നേതൃത്വത്തില് അരിവിതരണം നടത്തി. വിതരണോദ്ഘാടനം വികാരി ഫാ. മൈക്കിള് ആറ്റുമേല് നിര്വഹിച്ചു. ബ്രദര് സോണി കട്ടയ്ക്കകത്തൂട്ട്, പോളച്ചന് കണ്ണമ്ബുഴ, പോളി മാളിയേക്കല്, ജോസ് തെക്കന്, ജോണി ഭരണികുളങ്ങര, ബി.ടി. ചാക്കോ, ആന്റു കാവാലിപ്പാടന്, കെ.എ. ആഗസ്തി, എ. അലക്സ്, ബി.കെ. മാര്ട്ടിന് എന്നിവര് നേതൃത്വം നല്കി.