കച്ചേരിത്താഴം ബസ് കാത്തിരിപ്പ് കേന്ദ്രം അണുവിമുക്തമാക്കി നാട്ടുകാർ
മുവാറ്റുപുഴ: കച്ചേരിത്താഴം ബസ് കാത്തിരിപ്പ് കേന്ദ്രം ശുചീകരിച്ച് നാട്ടുകാര്. ദിവസേന നുറുകണക്കിന് ആളുകള് എത്തിച്ചേരുന്ന ബസ് കാത്തിരിപ്പു കേന്ദ്രമാണ് സമീപത്തെ വ്യാപാരികളും ഓട്ടോതൊഴിലാളികളും നാട്ടുകാരും ചേര്ന്ന് ശുചീകരിച്ചത്.
കോവിഡ്-19 വൈറസ് ബാധയെ പ്രതിരോധിക്കുന്നതിന് ഭാഗമായി അണുനാശിനി കലര്ന്ന വെള്ളം ഉപയോഗിച്ച് കാത്തിരിപ്പു കേന്ദ്രവും പരിസര പ്രദേശങ്ങളും അണുവിമുക്തമാക്കിയിരിക്കുകയാണ്.
ജനങ്ങള് കൂടുന്ന പൊതുഇടങ്ങള് വഴിയാണ് അടുത്ത ഘട്ടത്തില് വൈറസ് വ്യാപിക്കുക എന്നിരിക്കേ ഇതിനെ പ്രതിരോധിക്കുക എന്ന ലക്ഷ്യത്തോടെയാണ് മുന്നിട്ടിറങ്ങിയതെന്ന് നാട്ടുകാര് പറഞ്ഞു.ശുചീകരണത്തിന് സ്വകാര്യ ബസ് ഓപ്പറേറ്റേഴ്സ് അസോസിയേഷന് ജനറല് സെക്രട്ടറി എം.പി. അനില്കുമാര്, മര്ച്ചന്റ്സ് അസോസിയേഷന് കമ്മിറ്റിയംഗം സലിം പാലം, ഓട്ടോതൊഴിലാളി യൂണിയന് പ്രതിനിധി ആന്റോ തുടങ്ങിയവര് നേതൃത്വം നല്കി.