ആരക്കുഴ പഞ്ചായത്തിലെ 90 കുട്ടികളുടെ ഓണ്ലൈന് പഠനാവശ്യത്തിന് മൊബൈല് ഫോണ് നല്കി
ആരക്കുഴ: ആരക്കുഴ പഞ്ചായത്തിലെ 90 കുട്ടികളുടെ ഓണ്ലൈന് പഠനാവശ്യത്തിന് മൊബൈല് ഫോണ് നല്കി. കോണ്ഗ്രസ് ആരക്കുഴ മണ്ഡലം കമ്മിറ്റിയുടെ സാമൂഹിക പ്രതിബദ്ധതാ സംഘടനയായ സ്നേഹസ്പര്ശം ചാരിറ്റബിള് ഫൗണ്ടേഷന്റെ ആഭിമുഖ്യത്തിലാണ് വിദ്യാര്ഥികളുടെ പഠനാവശ്യത്തിനായി സ്മാര്ട്ട് ഫോണുകള് നല്കിയത്. ആരക്കുഴ പഞ്ചായത്തിലെ 128 അര്ഹരായ വിദ്യാര്ഥികളെ വിവിധ സ്കൂളുകളില് കണ്ടെത്തിയതില് 90 പേര്ക്കാണ് ആദ്യഘട്ടത്തില് ഫോണ് നല്കിയത്.
ആരക്കുഴ സെന്റ് ജോസഫ്സ് ഹൈസ്കൂളില് നടന്ന ചടങ്ങില് മാത്യു കുഴല്നാടന് എംഎല്എ ഹൈസ്കൂള് വിഭാഗം പ്രധാനാധ്യാപിക സിസ്റ്റര് റിനി മരിയ, എല്പി സ്കൂള് പ്രധാനാധ്യാപിക സിസ്റ്റര് സിസി മരിയ, പണ്ടപ്പിള്ളി ഗവ.യുപി സ്കൂള് പ്രധാനാധ്യാപിക ഷക്കീല എന്നിവര്ക്ക് ഫോണുകള് കൈമാറി.മൊബൈല് ഫോണ് ഇല്ലാത്തതിനാല് പഞ്ചായത്തില് ഒരു വിദ്യാര്ഥിക്കും പഠനം മുടങ്ങില്ലെന്നും ഡിജിറ്റല് മൂവാറ്റുപുഴ പദ്ധതി പ്രാവര്ത്തികമാകുന്നതോടെ മണ്ഡലത്തില് എല്ലാവര്ക്കും തടസമില്ലാതെ ഡിജിറ്റല് സംവിധാനം ലഭ്യമാകുമെന്നും എംഎല്എ പറഞ്ഞു. സ്നേഹസ്പര്ശം പ്രസിഡന്റ് സാബു പൊതൂര് അധ്യക്ഷത വഹിച്ചു. പോള് ലൂയിസ്, ഓമന മോഹനന്, ജാന്സി മാത്യു, ലസിത മോഹന്, സുനിത വിനോദ്, ദീപ്തി സണ്ണി, ഷീജ അജി, വിഷ്ണു ബാബു തുടങ്ങിയവര് പങ്കെടുത്തു