ജോയ്സ് ജോര്ജിന്റെ മൂവാറ്റുപുഴ അസംബ്ലി മണ്ഡലത്തിലെ രണ്ടാം ഘട്ട പൊതുപര്യടനം ശനിയാഴ്ച
മൂവാറ്റുപുഴ: ഇടുക്കി ലോക്സഭ മണ്ഡലം എല്ഡിഎഫ് സ്ഥാനാര്ത്ഥി അഡ്വ. ജോയ്സ് ജോര്ജിന്റെ മൂവാറ്റുപുഴ അസംബ്ലി മണ്ഡലത്തിലെ രണ്ടാം ഘട്ട പൊതുപര്യടനം ശനിയാഴ്ച നടക്കും. രാവിലെ 7.30ന് പൈങ്ങോട്ടൂര് പഞ്ചായത്തിലെ ഞാറക്കാട് നിന്നും ആരംഭിക്കുന്ന പര്യടനം സിപിഐഎം സംസ്ഥാന കമ്മിറ്റി അംഗം എസ് സതീഷ് ഉദ്ഘാടനം ചെയ്യും.തുടര്ന്ന് വിവിധ സ്ഥലങ്ങളില് പര്യടനം നടത്തി ഒമ്പതിന് കുളപ്പുറത്ത് സമാപിയ്ക്കും. 9.15ന് ആയവന പഞ്ചായത്തിലെ സിദ്ധന്പടിയില് നിന്നും പര്യടനം ആരംഭിച്ച് 12ന് കാവക്കാട് സമാപിക്കും. മാറാടി പഞ്ചായത്തിലെ പെരിങ്ങഴകവലയില് നിന്ന് 2.30ന് ആരംഭിക്കുന്ന പര്യടനം 3.55ന് കായനാട് റേഷന്കടപ്പടിയില് സമാപിക്കും. വൈകിട്ട് 4.15ന് വാളകം പഞ്ചായത്തിലെ നാന്തോട് കവലയില് നിന്ന് പര്യടനം ആരംഭിച്ച് 5.30ന് കടാതി പള്ളിത്താഴത്ത് സമാപിക്കും. വൈകിട്ട് 6.30 ന് പായിപ്ര പഞ്ചായത്തിലെ മുടവൂര് ജയ്ഹിന്ദ് കവലയില് നിന്ന് ആരംഭിച്ച് 8.40 ന് പള്ളിച്ചിറങ്ങരയില് സമാപിക്കും. സമാപന സമ്മേളനത്തില് എല്ഡി എഫ് സംസ്ഥാന നേതാക്കള് പ്രസംഗിക്കും. മൂവാറ്റുപുഴ നഗരസഭയില് 22 ന് മൂന്നാംഘട്ട പൊതുപര്യടനം നടക്കും