വീടുകളിൽ ജോലിക്ക് നിന്ന് സ്വർണ്ണാഭരണങ്ങൾ മോഷണം നടത്തിയ സ്ത്രീ പിടിയിൽ
പുത്തൻകുരിശ്: വീടുകളിൽ ജോലിക്ക് നിന്ന് സ്വർണ്ണാഭരണങ്ങൾ മോഷണം നടത്തിയ സ്ത്രീ പിടിയിൽ. ആരക്കുഴ പെരുമ്പല്ലൂർ മാനിക്കൽ ആശ (41) യാണ് പുത്തൻകുരിശ് പോലീസിന്‍റെ പിടിയിലായത്. കഴിഞ്ഞ മാർച്ച്, ഏപ്രിൽ മാസങ്ങളിൽ കോലഞ്ചേരി സ്വദേശികളായ ചാൾസ്, ബെന്നി എന്നിവരുടെ വീടുകളിൽ നിന്നാണ് സ്വർണ്ണം മോഷ്ടിച്ചത്. ബെന്നിയുടെ വീട്ടിൽ നിന് ഒമ്പതു പവനും, ചാൾസിന്‍റെ വീട്ടിൽ നിന്നും പതിമൂന്ന് പവനുമാണ് കവർന്നത്. മോഷ്ടിച്ച ആഭരണങ്ങൾ കോലഞ്ചേരിയിലുള്ള വിവിധ ധനകാര്യ സ്ഥാപനങ്ങളിൽ വിൽക്കുകയും പണയം വയ്ക്കുകയും ചെയ്തു. സംഭവശേഷം ഒളിവിൽ പോയ ഇവരെ ഇടുക്കി ബൈസൺവാലിയിൽ നിന്നുമാണ് പിടികൂടിയത്. റൂറൽ ജില്ലാ പോലീസ് മേധാവി വിവേക് കുമാറിന്‍റെ നിർദ്ദേശത്താൽ രൂപീകരിച്ച പ്രത്യേക അന്വേഷണ സംഘത്തിൽ ഡി.വൈ.എസ്.പി ജി.അജയ് നാഥ്, സബ് ഇൻസ്പെക്ടർമാരായ പി.കെ.സുരേഷ്, രമേശൻ, കെ.സജീവ് എ.എസ്.ഐമാരായ ജി.സജീവ്, മനോജ് കുമാർ, എസ്.സി.പി. ഒമാരായ ജിഷാ മാധവൻ, ബിജി ജോൺ, ചന്ദ്രബോസ്, ദിനിൽ ദാമോധരൻ, അഖിൽ, റിതേഷ് എന്നിവരാണ് ഉണ്ടായിരുന്നത്.
