ബൈക്കും സ്കൂട്ടറും കൂട്ടിയിടിച്ച് ഒരാൾ മരിച്ചു.
കോതമംഗലം :ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തിൽ കിഴക്കമ്പലം കരിമുകൾ സ്വദേശി മരിച്ചു. സ്കൂട്ടർ യാത്രക്കാരനായ കരിമുകൾ കായിമതുരുത്തിൽ ദാസ് ജോസഫ് (43)ആണ് മരിച്ചത്. കൊച്ചി -ധനുഷ്കോടി ദേശീയപാതയിൽ കാരക്കുന്നം കനേഡിയൻ സ്കൂളിന് സമീപം ഇന്നലെ വൈകിട്ടാണ് അപകടം നടന്നത്.ദാസ് ജോസഫിന്റെ കൂടെ സഞ്ചരിച്ച കരിമുകൾ കഞ്ഞാണപ്പിള്ളി സ്വദേശി ജോളിയെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ബൈക്കിൽ സഞ്ചരിച്ച രണ്ടു പേർ മൂവാറ്റുപുഴയിലെ ആശുപത്രിയിൽ ചികിത്സയിലാണ്.