ഗവർണർ പുറത്താക്കിയതിനെതിരെ കേരള സർവകലാശാല സെനറ്റംഗങ്ങൾ; ഹർജി ഇന്ന് ഹൈക്കോടതിയിൽ
തിരുവനന്തപുരം: ഗവര്ണര് പുറത്താക്കിയ കേരള സര്വകലാശാല സെനറ്റംഗങ്ങളുടെ ഹര്ജിയില് ഹൈക്കോടതിയില് വാദം ഇന്ന്. പുറത്താക്കല് നടപടി നിയമ വിരുദ്ധമാണെന്നും ഗവര്ണറുടെ തീരുമാനം റദ്ദാക്കണമെന്നുമാണ് സെനറ്റംഗങ്ങളുടെ ആവശ്യം. എന്നാല് താന് നാമനിര്ദേശം ചെയ്ത സെനറ്റംഗങ്ങള് തങ്ങളുടെ ഉത്തരവാദിത്തം നിറവേറ്റുന്നതില് പരാജയപെട്ടതിനെ തുടര്ന്നാണ് പുറത്താക്കിയതെന്ന് ഗവര്ണര് നേരത്തെ കോടതിയെ അറിയിച്ചിരുന്ന. ഗവര്ണര് നാമനിര്ദേശം ചെയ്തവരാണെങ്കിലും സ്വതന്ത്രമായ തീരുമാനം എടുക്കാന് സെനറ്റംഗങ്ങള്ക്ക് അവകാശമുണ്ടെന്ന് ഇന്നലെ വാദം നടക്കവെ സര്ക്കാര് കോടതിയില് വ്യക്തമാക്കിയിരുന്നു. നിയമപ്രകാരം നോട്ടീസ് നല്കിയാണോ അംഗങ്ങളെ പുറത്താക്കിയതെന്ന കാര്യത്തില് ചാന്സലറായ ഗവര്ണറുടെ മറുപടി കോടതി തേടിയിട്ടുണ്ട്.