പാണക്കാട് സാദിഖലി ശിഹാബ് തങ്ങൾ ഞായറാഴ്ച മുളവൂരിൽ

മൂവാറ്റുപുഴ: മുളവൂർ പൊന്നിരിക്കപ്പറമ്പ് ദാറുസ്സലാം മസ്ജിദ് ആന്റ് ഹയർസെക്കണ്ടറി മദ്രസ ദശ വാർഷീകവും മസ്ജിദിന്റെ രണ്ടാം നിലയുടെ നിർമ്മാണ ഫണ്ട് ഉദ്ഘാടനവും ഞാറാഴ്ച വൈകിട്ട് ഏഴിന് പാണക്കാട് സാദിഖലി ഷിഹാബ് തങ്ങൾ നിർവ്വഹിക്കും. സ്വാഗതസംഘം ചെയർമാൻ പി.എം.ബഷീർ ബാഖവി അധ്യക്ഷത വഹിക്കും. ഒ.പി.മുഹയദ്ദീൻ മൗലവി എം.എഫ്.ബി പ്രാർത്ഥന നിർവ്വഹിക്കും. എം.ബി.അബ്ദുൽ ഖാദർ മൗലവി, വി.എച്ച്.മുഹമ്മദ് മൗലവി, കെ.പി.മുഹമ്മദ് തൗഫീഖ് മൗലവി എന്നിവർ അനുഗ്രഹ പ്രഭാഷണം നടത്തും.
ഡീൻ കുര്യാക്കോസ് എം.പി, എൽദോ എബ്രഹാം എം.എൽ.എ, മുസ്ലിം ലീഗ് ജില്ലാ പ്രസിഡന്റ് കെ.എം.അബ്ദുൽ മജീദ്, മുളവൂർ സെന്റ് മേരീസ് യാക്കോബായ ചർച്ച് വികാരി ഫാ. എൽദോസ് പാറയ്ക്കൽ പുത്തൻപുര, മുളവൂർ അറേക്കാട് ദേവി ക്ഷേത്രം മേൽശാന്തി പി.എൻ.നാരായണൻ നമ്പൂതിരി എന്നിവർ വിശിഷ്ട അഥിതികളായിരിക്കും. മദ്രസയിൽ നിന്നും സ്‌റ്റേറ്റ് തലത്തിൽ ഉന്നത വിജയം നേടിയ വിദ്യാർത്ഥികൾക്കുള്ള അവാർഡ് ദാനം മഹൽ പ്രസിഡന്റ് പി.എ.അലിയാർ നിർവ്വഹിക്കും. എം.എം.ബാവ മൗലവി മുഖ്യപ്രഭാഷണം നടത്തും. തുടർന്ന് നടക്കുന്ന ദുആ സമ്മേളനത്തിന് പാനിപ്ര കെ.ബി.ഖാലിദ് ഉസ്താദ് നേതൃത്വം നൽകും.