യൂത്ത് കോണ്. പോലീസ് സ്റ്റേഷന് മാര്ച്ച് ഇന്ന്
മൂവാറ്റുപുഴ: യൂത്ത് കോണ്ഗ്രസ് നേതാവിനെ ആക്രമിച്ച സംഭവത്തില് പ്രതികളെ സംരക്ഷിക്കുന്നെന്ന് ആരോപിച്ച് യൂത്ത് കോണ്ഗ്രസിന്റെ നേതൃത്വത്തില് ഇന്ന് രാവിലെ 10ന് മൂവാറ്റുപുഴ പോലീസ് സ്റ്റേഷനിലേക്ക് മാര്ച്ച് നടത്തുമെന്ന് മാത്യു കുഴല്നാടന് പത്രസമ്മേളനത്തില് അറിയിച്ചു. യൂത്ത് കോണ്ഗ്രസ് മണ്ഡലം മുന് പ്രസിഡന്റ് എബി പൊങ്ങണത്തിനെ തെരഞ്ഞെടുപ്പു ദിവസം വാളകം മേക്കടന്പ് നെയ്ത്തുശാലപടി 34-ാം നന്പര് ബൂത്തില്വച്ച് ഒരു കൂട്ടം സിപിഎം പ്രവര്ത്തകര് വളഞ്ഞിട്ട് ആക്രമിക്കുകയായിരുന്നുവെന്ന് മാത്യു കഴല്നാടന് ആരോപിച്ചു.
അക്രമം നടന്നു മൂന്നു ദിവസമായിട്ടും പ്രതികളില് ഒരാളെ പോലും പിടിക്കാന് പോലീസിനു കഴിഞ്ഞിട്ടില്ല. മറിച്ച് സംഭവത്തില് യൂത്ത് കോണ്ഗ്രസുകാരെ പ്രതികളാക്കാനുള്ള നടപടികളാണ് പോലീസ് സ്വീകരിക്കുന്നതെന്നും മാത്യു പറഞ്ഞു. പത്രസമ്മേളനത്തില് കെപിസിസി അംഗം എ. മുഹമ്മദ് ബഷീര്, മുസ്ലിം ലീഗ് ജില്ലാ വൈസ് പ്രസിഡന്റ് പി.എം. അമീര് അലി, ബ്ലോക്ക് പ്രസിഡന്റ് പി.എ. സലീം ഹാജി, നഗരസഭാധ്യക്ഷന് പി.പി. എല്ദോസ് തുടങ്ങിയവര് പങ്കെടുത്തു.