കെ.എസ്.ആർ.ടി.സി ബസുകൾ ഇനി വഴിയിൽ പണിമുടക്കില്ല…
മൂവാറ്റുപുഴ : കെഎസ്ആർടിസിയുടെ ബസുകൾ സർവീസ് സമയത്ത് ബ്രേക്ക് ഡൗണ് അല്ലെങ്കിൽ അപകടം മൂലം തുടർയാത്ര മുടങ്ങുന്ന സാഹചര്യം ഒഴിവാക്കാൻ സംവിധാനങ്ങളുമായി കെഎസ്ആർടിസി.
കെഎസ്ആർടിസി ബസുകൾ യാത്രാവേളയിൽ ബ്രേക്ക് ഡൗണ് അല്ലെങ്കിൽ ആക്സിഡന്റ് ആകുന്ന പക്ഷം കണ്ടക്ടർമാർ അഞ്ചു മിനിറ്റിനകം തന്നെ ഈ വിവരം കണ്ട്രോൾ റൂമിൽ അറിയിക്കണമെന്നാണ് നിർദേശം. അതിന്റെ അടിസ്ഥാനത്തിൽ കണ്ട്രോൾ റൂമിൽ നിന്നും ഉടൻ തന്നെ തൊട്ടടുത്ത ഡിപ്പോയിൽ അറിയിക്കുകയും തുടർന്ന് 15 മിനിറ്റിനകം പകരം സംവിധാനം ഏർപ്പെടുത്തുകയും ചെയ്യും.
യാത്രാക്കാർക്ക് തങ്ങൾക്കുണ്ടാകുന്ന ബുദ്ധിമുട്ടുകൾ കണ്ട്രോൾ റൂമിൽ വിളിച്ച് അറിയിക്കാനും, ചിത്രങ്ങൾ ഉൾപ്പെടെ വാട്സ് ആപ് നന്പരിൽ അയക്കുവാനുള്ള സൗകര്യവും ലഭ്യമാണ്. കണ്ട്രോൾ റൂം 9447071021,0471 2463799 വാട്ട്സ്അപ്പ് നന്പർ 81295 62972.