പല്ലാരിമംഗലത്ത് എല്ഡിഎഫ് തെരഞ്ഞെടുപ്പ് കമ്മിറ്റി ഓഫീസ് പ്രവര്ത്തനമാരംഭിച്ചു
അടിവാട്: ഇടുക്കി പാര്ലമെന്റ് മണ്ഡലം എല്ഡിഎഫ് സ്ഥാനാര്ത്ഥി അഡ്വ. ജോയ്സ് ജോര്ജ്ജിന്റെ തെരഞ്ഞെടുപ്പ് പ്രവര്ത്തനങ്ങള് ഏകോപിപ്പിക്കുന്നതിനായി പല്ലാരിമംഗലം പഞ്ചായത്ത് തെരഞ്ഞെടുപ്പ് കമ്മിറ്റി ഓഫീസ് പ്രവര്ത്തനമാരംഭിച്ചു. എ.ആര് ടവറില് ആരംഭിച്ച ഓഫീസിന്റെ ഉദ്ഘാടനം പഞ്ചായത്ത് പ്രസിഡന്റ് ഖദീജ മുഹമ്മദ് നിര്വഹിച്ചു. സിപിഐഎം ലോക്കല് സെക്രട്ടറി എം.എം ബക്കര് അധ്യക്ഷത വഹിച്ചു. എല്ഡിഎഫ് നേതാക്കളായ എം.കെ രാമചന്ദ്രന്, ഷാജി പീച്ചക്കര, കെ.ബി മുഹമ്മദ്, ഒ.ഇ അബ്ബാസ് എന്നിവര് പ്രസംഗിച്ചു.