Muvattupuzhanews.in
പോത്താനിക്കാട്: മുവാറ്റുപുഴ-കോതമംഗലം,മുവാറ്റുപുഴ-കാളിയാർ റൂട്ടുകളിലെ റോഡ് തകര്‍ന്നിട്ടും,കുഴിനികത്താന്‍ അധികൃതര്‍ നടപടി സ്വീകരിക്കാത്തതില്‍ പ്രതിഷേധിച്ച്‌ എറണാകുളം ജില്ലാ മോട്ടോര്‍ തൊഴിലാളി സംഘം മൂവാറ്റുപുഴ മേഖല സമിതിയുടെ ആഭിമുഖ്യത്തില്‍ നവംബര്‍ 12ന് സ്വകാര്യ ബസുകള്‍ സൂചനാ പണിമുടക്ക് നടത്തും.കോതമംഗലം വിമലഗിരി സ്കൂൾ മുതല്‍ തങ്കളം സ്റ്റാന്‍ഡുവരെയും,മൂവാറ്റുപുഴ വണ്‍വേ മുതല്‍ മാര്‍ക്കറ്റ് സ്റ്റാന്‍ഡുവരെയുമുള്ള റോഡ് കുണ്ടും കുഴിയുമായിതീർന്നിട്ട് നാളുകളേറെയായി.റോഡിന്‍റെ ശോച്യാവസ്ഥമൂലം ബസുകള്‍ സമയത്ത് ഓടിയെത്താന്‍ പറ്റാത്തത് പലപ്പോഴും ട്രിപ്പുകള്‍ മുടങ്ങുന്നതിനും,സമയംതെറ്റുന്നത് മൂലം വാക്കേറ്റത്തിനും കാരണമാകുന്നുണ്ടെന്ന് ഭാരവാഹികള്‍ പറഞ്ഞു.ബസ് റോഡിലെ കുഴിയില്‍ വീണതുമൂലം ഉണ്ടായ ഉലച്ചിലില്‍ യാത്രക്കാര്‍ക്ക് പരിക്കേറ്റ സംഭവുമുണ്ടായിട്ടുണ്ട്. ഇതേത്തുടര്‍ന്നാണ് സൂചന പണിമുടക്ക് നടത്തുവാന്‍ തീരുമാനിച്ചതെന്ന് യൂണിയന്‍ പ്രസിഡന്‍റ് കെ.കെ. വിശ്വനാഥന്‍, വൈസ് പ്രസിഡന്‍റ് പി.ഡി. എല്‍ദോസ്, മൂവാറ്റുപുഴ മേഖല പ്രസിഡന്‍റ് എച്ച്‌. വിനോദ് എന്നിവര്‍ അറിയിച്ചു.
