യൂഡിഎഫ് സത്യാഗ്രഹം ഇന്ന്
മൂവാറ്റുപുഴ: മുഖ്യമന്ത്രി പിണറായി വിജയന് രാജിവക്കുക, സ്വര്ണക്കള്ളക്കടത്തു കേസ് സിബിഐകൂടി അന്വേഷിക്കുക തുടങ്ങിയ ആവശ്യങ്ങളുന്നയിച്ചു യുഡിഎഫ് സംസ്ഥാന കമ്മിറ്റിയുടെ തീരുമാനപ്രകാരം ഇന്ന് രാവിലെ 10 മുതല് ഉച്ചയ്ക്ക് ഒന്നുവരെ 140 നിയോജക മണ്ഡലങ്ങളിലും യുഡിഎഫ് എംഎല്എമാരും എംപിമാരും നേതാക്കളും സത്യഗ്രഹം അനുഷ്ഠിക്കും. മൂവാറ്റുപുഴ നിയോജക മണ്ഡലം കമ്മിറ്റിയുടെ ആഭിമുഖ്യത്തില് നെഹ്റു പാര്ക്കില് നടത്തുന്ന സമരത്തിന് യുഡിഎഫ് സംസ്ഥാന സെക്രട്ടറി ജോണി നെല്ലൂര്, കെപിസിസി വൈസ് പ്രസിഡന്റ് ജോസഫ് വാഴയ്ക്കന്, മുന് എംഎല്എ ഫ്രാന്സിസ് ജോര്ജ്, യുഡിഎഫ് ജില്ലാ സെക്രട്ടറി വിന്സെന്റ് ജോസഫ്, യുഡിഎഫ് നിയോജക മണ്ഡലം ചെയര്മാന് കെ.എം.സലിം, കണ്വീനര് കെ.എം. അബ്ദുള് മജീദ് തുടങ്ങിയവര് നേതൃത്വം നല്കും.