വർണ്ണക്കടലായി യു.ഡി.എഫ് പദയാത്രകൾ. ലാസ്റ്റ് ലാപ്പ് പ്രചാരണങ്ങൾക്ക് തയ്യാറായി ബൂത്ത് കമ്മിറ്റകൾ…
സജോ സക്കറിയ ആൻഡ്രൂസ് - കോലഞ്ചേരി
കോലഞ്ചേരി: കുന്നത്തുനാട് യു.ഡി.എഫ് സാരഥി വി.പി.സജീന്ദ്രൻ്റെ പ്രചരണാർത്ഥം ഇന്നലെ പുത്തൻകുരിശ്, കോലഞ്ചേരി, കിഴക്കമ്പലം തുടങ്ങിയ സ്ഥലങ്ങളിൽ പദയാത്രകൾ സംഘടിപ്പിച്ചു.വൈകിട്ട് 4.00 മണിക്ക് പുത്തൻകുരിശിലും, 5ന് കോലഞ്ചേരിയിലും, 6 മണിക്ക് കിഴക്കമ്പലത്തുമാണ് പദയാത്രകൾ സംഘടിപ്പിച്ചത്. നൂറ് കണക്കിന് പ്രവർത്തകർ പങ്കെടുത്ത പദയാത്രകൾ അക്ഷരാർത്ഥത്തിൽ തെരുവീഥികളെ വർണ്ണക്കടലാക്കി.ആവേശക്കൊടുമുടിയിലെത്തിച്ച പദയാത്രയിൽ യു.ഡി.എഫ് മുദ്രാവാക്യങ്ങൾ ആർത്തിരമ്പി.
ഇതിനിടെ അവസാന ലാപ്പ് ഓട്ടത്തിനായി മണ്ഡലത്തിലെ ബൂത്ത് കമ്മറ്റികൾ തയ്യാറായിയെന്ന് യു.ഡി.എഫ് നേതാക്കന്മാർ അവകാശപ്പെട്ടു. മണ്ഡലത്തിലെ 8 പഞ്ചായത്തുകളിലെ 181 ബൂത്തുകളിലെ നിശ്ബദ പ്രചരങ്ങളിൽ ഇനി മുഴുകുമെന്നും യു.ഡി.എഫ് വിജയം സുനിശ്ചിതമാക്കുമെന്നും യു.ഡി.എഫ് ചെയർമാൻ സി.പി
ജോയി പറഞ്ഞു. ഇന്ന് ഉച്ചയ്ക്ക് ശേഷം കുന്നത്തുനാട് നിയോജക മണ്ഡലത്തിലെ എല്ലാ മണ്ഡല കേന്ദ്രങ്ങളിലൂടെയും സ്ഥാനാർത്ഥിയുടെ മിന്നൽ പര്യടനങ്ങൾ ഉണ്ടാകും.