അപകടം

തൃശൂർ പൂരത്തിനിടെയുണ്ടായ അപകടത്തിൽ രണ്ട് മരണം.നിരവധി പേർക്ക് പരിക്ക്

 

തൃശൂര്‍: തൃശൂര്‍ പൂരത്തിലെ മഠത്തില്‍ വരവിനിടെ മരം വീണ് രണ്ടുപേര്‍ മരിച്ചു. 25ലേറെ പേര്‍ക്ക്​ പരിക്കേറ്റു. തിരുവമ്ബാടി ദേവസ്വം അംഗം നടത്തറ സ്വദേശി രമേശന്‍, തിരുവമ്ബാടി ദേവസ്വം അംഗം പൂങ്കുന്നം സ്വദേശി പനിയത്ത് രാധാകൃഷ്ണന്‍ എന്നിവരാണ്​ മരിച്ചത്​. രാത്രി 12​ഓടെയാണ്​ സംഭവം. മൂന്നുപേരുടെ നില ഗുരുതരമാണ്​. പരിക്കേറ്റവരില്‍ പൊലീസുകാരുമുണ്ട്​.

തിരുവമ്ബാടി ദേവസ്വത്തി​െന്‍റ രാത്രി പൂരത്തി​െന്‍റ ഭാഗമായുള്ള മഠത്തില്‍ വരവിനിടെ പഞ്ചവാദ്യക്കാരുടെമേല്‍ ആല്‍മരത്തി​െന്‍റ വലിയ കൊമ്ബ് ഒടിഞ്ഞുവീഴുകയായിരുന്നു. മരത്തി​െന്‍റ ഭാഗം വീണയുടന്‍ കൊമ്ബന്‍ കുട്ടന്‍കുളങ്ങര അര്‍ജുനന്‍ ഭയന്നോടിയത്​ പരിഭ്രാന്തി പരത്തിയെങ്കിലും പിന്നീട്​ ആനയെ തളച്ചു.ഗുരുതര പരിക്കേറ്റ എട്ടുപേര്‍ വിവിധ ആശുപത്രികളിലാണ്​. ആല്‍മരം വൈദ്യുതി ലൈനിന് മുകളിലേക്കാണ് വീണത്. മരം മുറിച്ചുമാറ്റി. പൊലീസും അഗ്​നിശമന, ദുരന്ത നിവാരണ സേനയും സംഭവസ്​ഥലത്തെത്തി രാത്രി വൈകിയും രക്ഷാപ്രവര്‍ത്തനം തുടരുകയാണ്​.

കോവിഡ് വ്യാപന നിയന്ത്രണത്തി​െന്‍റ ഭാഗമായി പൂരാഘോഷത്തിന് ജനങ്ങളെ നിയന്ത്രിച്ചിരുന്നതിനാല്‍ മഹാദുരന്തം ഒഴിവായി. സംഭവം നടന്നയുടന്‍ കലക്ടര്‍ എസ്. ഷാനവാസും പൊലീസ് കമീഷണര്‍ ആര്‍. ആദിത്യയും സ്ഥലത്തെത്തി രക്ഷാപ്രവര്‍ത്തനത്തിന് നേതൃത്വം നല്‍കി. ഫയര്‍ഫോഴ്സ്, എന്‍.ഡി.ആര്‍.എഫ് അംഗങ്ങളും ഉണ്ടായിരുന്നു. അപകടത്തി​െന്‍റ പശ്ചാത്തലത്തില്‍ വെടിക്കെട്ട്​ ആഘോഷമായി നടത്തില്ലെന്ന്​ കലക്​ടര്‍ ദേവസ്വങ്ങളുമായി നടത്തിയ ചര്‍ച്ചയില്‍ തീരുമാനമായി. വെടിക്കോപ്പുകള്‍ പൊട്ടിച്ച്‌​ തീര്‍ത്തു.

Back to top button
error: Content is protected !!
Close