കേരള കോണ്‍ഗ്രസിന്റെ സ്‌നേഹസ്പര്‍ശം പദ്ധതിക്ക് തുടക്കം കുറിച്ചു.
മൂവാറ്റുപുഴ : കേരള കോണ്‍ഗ്രസ്സ് എറണാകുളം ജില്ലാ കമ്മിറ്റിയുടെ ആഭിമുഖ്യത്തില്‍ സ്‌നേഹസ്പര്‍ശം പദ്ധതിയ്ക്ക് തുടക്കം കുറിച്ചു. ജില്ലാ തല ഉദ്ഘാടനം ആംബുലന്‍സ് ഫ്‌ളാഗ് ഓഫ് ചെയ്ത് മുന്‍ മന്ത്രി റ്റി.യു. കുരുവിള നിര്‍വഹിച്ചു. ഈ പദ്ധതിയുടെ ഭാഗമായി ജില്ലയില്‍ നിയോജകമണ്ഡലം അടിസ്ഥാനത്തില്‍ ഓണ്‍ലൈന്‍ പഠന സൗകര്യത്തിനായി സ്മാര്‍ട്ട് ഫോണ്‍, ടി.വി., ടാബ്, പഠനോപകരണങ്ങള്‍, കോവിഡ് പ്രതിരോധ മരുന്നുകള്‍ ആംബുലന്‍സ് സര്‍വ്വീസ്, കോവിഡ് ബാധിച്ച് നിര്‍ദ്ധനരായവര്‍ക്ക് ഭക്ഷ്യകിറ്റുകള്‍ എന്നിവയാണ് ഈ പദ്ധതിയിലൂടെ നടപ്പാക്കുന്നത്. ജില്ലാ പ്രസിഡന്റ് ഷിബു തെക്കുംപുറം അദ്ധ്യക്ഷത വഹിച്ച ചടങ്ങില്‍ അഹമ്മദ് തോട്ടത്തില്‍, ജോസ് വള്ളമറ്റം, ബേബി വട്ടക്കുന്നേല്‍, ഷൈസണ്‍ മാങ്കുഴ, ഡൊമിനിക് കാവുങ്കല്‍, ബേബി ആന്റണി, വിനോദ് തമ്പി,ജോളി നെടുംങ്കല്ലേല്‍,ജോസ് കുര്യാക്കോസ്, ജേക്കബ് ഇരമംഗലത്ത് എന്നിവര്‍ പങ്കെടുത്തു.
