കറുകടം മാവിൽ ചുവട്ടിലുണ്ടായ വാഹനാപകടത്തിൽ നവവരൻ മരണപ്പെട്ടു.
മൂവാറ്റുപുഴ : കൊച്ചി -ധനുഷ് കോടി ദേശീയപാതയിലെ കറുകടം മാവിൽ ചുവട്ടിലുണ്ടായ വാഹനാപകടത്തിൽ നവവരൻ മരണപ്പെട്ടു. കുത്തുകുഴി പട്ടയത്ത്പാറ വീട്ടിൽ ശശിയുടെ മകൻ അർജുൻ(27) ആണ് മരണപ്പെട്ടത്.ഇന്ന് ഉച്ചകഴിഞ്ഞു ഉണ്ടായ മഴയിൽ അർജുൻ ഓടിച്ചിരുന്ന ബുള്ളറ്റ് നിയന്ത്രണം തെറ്റി മറിഞ്ഞതാകാം അപകട കാരണമെന്നുള്ള പ്രാഥമിക നിഗമനത്തിലാണ് പോലീസ്.എറണാകുളത്തെ കാർ ഷോറൂമിൽ ജീവനക്കാരനാണ് അർജുൻ.ചോറ്റാനിക്കര സ്വദേശിനിയായ ദൃശ്യയുമായുള്ള വിവാഹം കഴിഞ്ഞിട്ട് രണ്ട് മാസമേ ആകുന്നുള്ളു. പോലീസിന്റെ പ്രാഥമിക നടപടികൾക്കു ശേഷം പോസ്റ്റുമാർട്ടം നടത്തി മൃതദേഹം ബന്ധുക്കൾക്ക് വിട്ടു കൊടുക്കും