ഡിവൈഎഫ് ഐ അടിവാട് മേഖല കമ്മിറ്റി സ്ത്രീധന വിരുദ്ധ ക്യാമ്പയിൻ നടത്തി.
കോതമംഗലം :”സ്ത്രീധനം വാങ്ങില്ല, കൊടുക്കില്ല “എന്ന മുദ്രാവാക്യം ഉയർത്തി
ഡിവൈഎഫ്ഐ സ്ത്രീധന വിരുദ്ധ പ്രതിജ്ഞ ചടങ്ങ് നടത്തി. ഡിവൈഎഫ് ഐ അടിവാട് മേഖല കമ്മിറ്റിയിലെ വിവിധ യൂണിറ്റുകളിലാണ് പരിപാടി സംഘടിപ്പിച്ചത് . പുലിക്കുന്നെപ്പടി യൂണിറ്റിൽ സിപിഎം പല്ലാരിമംഗലം ലോക്കൽ സെക്രട്ടറി എം എം ബക്കർ, അടിവാട് ടൗണിൽ പഞ്ചായത്ത് വൈസ് പ്രസിഡന്റ് ഓ.ഈ അബ്ബാസ്, ഈട്ടിപ്പാറ യൂണിറ്റിൽ ഡിവൈഎഫ്ഐ മേഖല സെക്രട്ടറി കെ എ യൂസഫ്, കുടമുണ്ട യൂണിറ്റിൽ ജനാധിപത്യ മഹിളാ അസോസിയേഷൻ പല്ലാരിമംഗലം വില്ലേജ് സെക്രട്ടറി ഷെരീഫ റഷീദ്, വെള്ളാരമറ്റം യൂണിറ്റിൽ ജനാധിപത്യ മഹിളാ അസോസിയേഷൻ പല്ലാരിമംഗലം വില്ലേജ് പ്രസിഡന്റ് മുബീന ആലിക്കുട്ടി, മാവുടി യൂണിറ്റിൽ എംഎൻ സുകുമാരൻ എന്നിവർ ഉദ്ഘാടനം ചെയ്തു.
