തമിഴ്നാട്ടില് ലോക്ക്ഡൗണ് ജൂണ് 28 വരെ നീട്ടി.
മൂവാറ്റുപുഴ :തമിഴ്നാട്ടില് വീണ്ടും ലോക്ക്ഡൗണ് നീട്ടി. ജൂണ് 28 വരെയാണ് ലോക്ക്ഡൗണ് നീട്ടിയത്. ആരോഗ്യ വിദഗ്ധരുമായി ആലോചിച്ച ശേഷമാണ് തീരുമാനം.നിയന്ത്രണങ്ങളില് ഇളവുകള് നല്കാന് തീരുമാനിച്ചിട്ടുണ്ട്. ജില്ലകളെ മൂന്ന് മേഖലകളായി തിരിച്ചാണ് ഇളവുകള് അനുവദിക്കുക. കൊവിഡ് വ്യാപനം രൂക്ഷമായി നില്ക്കുന്ന ജില്ലകളെയാണ് ആദ്യ വിഭാഗത്തില് ഉള്പ്പെടുത്തിയിരിക്കുന്നത്. ഇവിടെ കടുത്ത നിയന്ത്രണങ്ങള് തുടരും.കോയമ്ബത്തൂര്, തിരുപ്പൂര്, ഈറോഡ്, സേലം തുടങ്ങി 11 ജില്ലകളിലായിരിക്കും ലോക്ക് ഡൗണ് നിയന്ത്രണങ്ങള് തുടരുന്നത്.
ധര്മപുരി, കന്യാകുമാരി, കൃഷ്ണഗിരി, മധുര, തേനി, തെങ്കാശി, തിരുനെല്വേലി തുടങ്ങിയ 23 ജില്ലകളില് ഏതാനും ഇളവുകള് ഉണ്ടാകും.മൂന്നാം വിഭാഗത്തിലെ ചെന്നൈ, തിരുവള്ളൂര്, കാഞ്ചീപുരം, ചെങ്കല്പേട്ട് എന്നീ നാലു ജില്ലകളിലും ലോക്ക്ഡൗണ് നിയന്ത്രണങ്ങളില് ഏതാനും ഇളവുകള് നല്കും.