കോൺഗ്രസ് അധ്യക്ഷയായി സോണിയ ഗാന്ധി തുടരും.
ന്യൂഡൽഹി: കോൺഗ്രസ് അധ്യക്ഷയായി സോണിയ ഗാന്ധി തുടരും. പാർട്ടി ആസ്ഥാനത്ത് ഇന്ന് ചേർന്ന പ്രവർത്തക സമിതി യോഗത്തിലാണ് തീരുമാനം.അഞ്ചു സംസ്ഥാനങ്ങളിലെ കനത്ത തോൽവിയെ തുടർന്നു നേതൃത്വമാറ്റം ഉണ്ടാകുമെന്ന അഭ്യൂഹങ്ങൾക്കിടെയായിരുന്നു പ്രവർത്തക സമിതി യോഗം ചേർന്നത്. എന്നാൽ ഗാന്ധി കുടുംബത്തിൽ പാർട്ടി ഒരിക്കൽ കൂടി വിശ്വാസം അർപ്പിച്ചു.
പാർട്ടിയിൽ സമഗ്രമായ പൊളിച്ചെഴുത്തിന് സോണിയ ഗാന്ധിയെ യോഗം ചുമതലപ്പെടുത്തി. അടിയന്തരമായി സ്വീകരിക്കേണ്ട തെറ്റുതിരുത്തൽ നടപടികൾ സോണിയ കൈക്കൊള്ളും.പ്രവർത്തകസമിതി യോഗ തീരുമാനം വാർത്താ സമ്മേളനത്തിൽ സംഘടനാ ജനറൽ സെക്രട്ടറി കെ.സി വേണുഗോപാലാണ് വിശദീകരിച്ചത്. സംഘടനാ തെരഞ്ഞെടുപ്പ് മുൻനിശ്ചയിച്ച പ്രകാരം നടക്കുമെന്ന് അദ്ദേഹം പറഞ്ഞു.