മാത്യു കുഴല്നാടനും ഭാര്യയ്ക്കും കൂടി 20 കോടിയുടെ ആസ്തി
മൂവാറ്റുപുഴ: മൂവാറ്റുപുഴ നിയോജക മണ്ഡലം യുഡിഎഫ് സ്ഥാനാര്ത്ഥിയായ മാത്യു കുഴല്നാടനും ഭാര്യ എല്സിക്കും ചേർന്ന് 20 കോടിയുടെ ആസ്തി. സ്വന്തമായി 37 ലക്ഷം വിലമതിക്കുന്ന രണ്ട് വാഹനങ്ങളും ഭാര്യയുടെ പേരില് 1,50,000 രൂപയുടെ വാഹനവുമുണ്ട്.ഇതുകൂടാതെ മാത്യുവിന് 28 ഗ്രാം സ്വര്ണവും ഭാര്യയ്ക്ക് 1600 ഗ്രാം സ്വര്ണവും നിക്ഷേപമായി മാത്യുവിന് 20 ലക്ഷവും ഭാര്യയ്ക്ക് 18,23,773 രൂപയും കുട്ടിയുടെ പേരില് 6,70,000 രൂപയുമുണ്ട്. 5.88 ഏക്കര് വസ്തും മാത്യുവിന്റെ പേരിലുണ്ട്. മൂന്ന് കെട്ടിടങ്ങളുണ്ട്. താമസിക്കുന്ന വീട് ഭാര്യയുടെയും ഭര്ത്താവിന്റെയും കൂട്ടുമസ്ഥതയിലാണുള്ളത്.പാട്ടത്തിന് വസ്തുക്കള് ഏറ്റെടുത്തതില് വച്ച് 25 ലക്ഷം രൂപ കടബാധ്യതയുമുണ്ട്. മാത്യു കുഴല്നാടന് നാമനിര്ദ്ദേശ പത്രികയില് സമര്പ്പിച്ച സ്വത്തു വിവരത്തിലെ വിവരങ്ങളാണിത്.