ചെരിപ്പിനും തുണിത്തരങ്ങള്ക്കും ജനുവരി ഒന്നു മുതല് വില കൂടുന്നു
മൂവാറ്റുപുഴ : ചെരിപ്പിനും തുണിത്തരങ്ങള്ക്കും ജനുവരി ഒന്നു മുതല് വില കൂടുന്നു.1000 രൂപ വരെയുള്ള തുണിത്തരങ്ങള്ക്കും ചെരിപ്പിനും ജനുവരി ഒന്നുമുതല് ജിഎസ്ടി നിരക്ക് 12 % ആക്കി. സെപ്റ്റംബറില് ജിഎസ്ടി കൗണ്സില് എടുത്ത തീരുമാനമാണ് ഇപ്പോള് വിജ്ഞാപനമാക്കി ഇറക്കിയിരിക്കുന്നത്.ആയിരം രൂപ വരെയുള്ള തുണിത്തരങ്ങള്ക്ക് 5 %, അതിനു മുകളില് 18 % എന്നിങ്ങനെയാണു നിലവില് ജിഎസ്ടി. ഇത് ഏകീകരിച്ച് എല്ലാറ്റിനും 12 % ആക്കും. ഇതോടെ 1000 രൂപയിലേറെ വിലയുള്ള തുണിത്തരങ്ങള്ക്കു വില കുറയും.വൈകാതെ കൂടുതല് ഉല്പന്നങ്ങളുടെ നികുതി നിരക്കില് മാറ്റമുണ്ടാകും. കര്ണാടക മുഖ്യമന്ത്രി ബസവരാജ് ബൊമ്മെയുടെ നേതൃത്വത്തിലുള്ള മന്ത്രിതല സമിതി ഇതു സംബന്ധിച്ച നിര്ദേശങ്ങള് ചര്ച്ച ചെയ്ത് ജിഎസ്ടി കൗണ്സിലിനു നല്കും.