പോത്താനിക്കാട്, പൈങ്ങോട്ടൂര്‍ പഞ്ചായത്തുകളില്‍ കോവിഡ് നിയന്ത്രണങ്ങള്‍ കര്‍ശനമാക്കും
പോത്താനിക്കാട്: പോത്താനിക്കാട്, പൈങ്ങോട്ടൂര്‍ പഞ്ചായത്തുകളില്‍ കോവിഡ് നിയന്ത്രണങ്ങള്‍ കര്‍ശനമാക്കാന്‍ ഉന്നതതല യോഗത്തില്‍ തീരുമാനം. പോത്താനിക്കാട് പഞ്ചായത്തിലെ ആറാം വാര്‍ഡ് കണ്ടെയ്ന്‍മെന്‍റ് സോണും ഏഴ്, എട്ട് വാര്‍ഡുകളും പൈങ്ങോട്ടൂര്‍ പഞ്ചായത്തിലെ നാലാം വാര്‍ഡും മൈക്രോ കണ്ടെയ്ന്‍മെന്‍റ് സോണായ സാഹചര്യത്തിലാണ് ഉന്നതതല യോഗം ചേര്‍ന്നത്.
കണ്ടെയ്മെന്‍റ് സോണുകള്‍ക്ക് പുറമെ മുഴുവന്‍ പ്രദേശത്തും നിയന്ത്രണങ്ങള്‍ കര്‍ശനമാക്കാന്‍ യോഗം തീരുമാനിച്ചു. പോത്താനിക്കാട് പഞ്ചായത്തിലെ മുഴുവന്‍ വ്യാപാര സ്ഥാപനങ്ങളുടെയും പ്രവര്‍ത്തനം ഇനി ഒരറിയിപ്പ് ഉണ്ടാകുന്നതുവരെ രാവിലെ ഏഴു മുതല്‍ വൈകുന്നേരം ഏഴ് വരെയായി നിജപ്പെടുത്തി.
