കെഎസ്ആർടിസി ഏർപ്പെടുത്തിയിരുന്ന അധിക ടിക്കറ്റ് ചാർജ് കുറക്കും…
മൂവാറ്റുപുഴ : കോവിഡിനോട് അനുബന്ധിച്ച് കെഎസ്ആർടിസി ചില സർവീസുകൾക്ക് ഏർപ്പെടുത്തിയിരുന്ന അധിക ടിക്കറ്റ് ചാർജ് കുറയ്ക്കാനും ചില ദിവസങ്ങളിലെ സർവീസുകൾക്ക് നൽകിയിരുന്ന ഇളവ് നിർത്താനും തീരുമാനിച്ചു. പുതിയ നിരക്കുകൾ വെള്ളിയാഴ്ച പ്രാബല്യത്തിൽവരുമെന്നു മന്ത്രി ആന്‍റണി രാജു പറഞ്ഞു.നോണ് എസി ജൻറം ബസുകളുടെ നിരക്ക് ഓർഡിനറിയുടേതിനു തുല്യമാക്കി. നിലവിൽ നോണ് എസി ജൻറം ലോ ഫ്ളോർ ബസുകൾ സിറ്റി ഓർഡിനറി ബസുകൾക്കു പകരമാണ് ഉപയോഗിക്കുന്നത്.സൂപ്പർ ഫാസ്റ്റ് മുതൽ മുകളിലേക്കുള്ള സർവീസുകൾക്ക് ചൊവ്വ, ബുധൻ, വ്യാഴം ദിവസങ്ങളിൽ നൽകിയിരുന്ന 25% നിരക്ക് ഇളവ് റദ്ദാക്കും. ബസ് ചാർജ് കൂട്ടണമെന്ന ജസ്റ്റീസ് രാമചന്ദ്രൻ കമ്മീഷന്‍റെ ശിപാർശ സർക്കാർ ചർച്ച ചെയ്യുമെന്നു മന്ത്രി പറഞ്ഞു.
