ക്വാറന്റൈന് ലംഘിച്ച് ബൈക്കില് ചുറ്റിയടിച്ച ആള്ക്കെതിരേ കേസ്
കോതമംഗലം: കോവിഡ് 19 വ്യാപനം തടയുന്നതിന് സ്വയം നിരീക്ഷണത്തില് കഴിയാനുള്ള നിര്ദേശം ലംഘിച്ച ലോറി ഡ്രൈവര്ക്കെതിരേ കേസെടുത്തു. കോതമംഗലം പുതുപ്പാടി സ്വദേശി ഷാഹുലിനെതിരെയാണ് കോതമംഗലം പോലീസ് കേസെടുത്തത്. ഗുജറാത്തിലെ അഹമ്മദാബാദില് നിന്ന് 26ന് എത്തിയ ഇയാള് പതിവായി പുറത്തിറങ്ങി നടക്കുന്നത് ശ്രദ്ധയില്പ്പെട്ട ആരോഗ്യവകുപ്പും പോലീസും പലകുറി താക്കീത് നല്കിയിരുന്നു.
ബൈക്കുമായി കറങ്ങിനടക്കുകയാണ് പതിവ്. പലപ്രാവശ്യം അധികൃതര് വീട്ടില് ചെന്നെങ്കിലും കാണാന് സാധിച്ചില്ല.വീട്ടുകാര് പറഞ്ഞിട്ടും അനുസരിച്ചില്ല. പോലീസും ആരോഗ്യവകുപ്പ് ഉദ്യോഗസ്ഥരും ഫോണ് വിളിച്ചാല് എടുക്കുകയുമില്ലെന്ന് ബന്ധപ്പെട്ടവര് പറഞ്ഞു. ഇനിയും നിര്ദേശം ലംഘിച്ചാല് കര്ശന നടപടിയിലേക്ക് നീങ്ങുമെന്ന് അധികൃതര് താക്കീത് നല്കി.