പ്രതിസന്ധി ഒഴിയാതെ പൈനാപ്പിള് മേഖല
വാഴക്കുളം: തുറന്നു പ്രവര്ത്തനം ആരംഭിച്ച പ്രധാന വിപണികള് താല്കാലികമായി അടച്ചതോടെ പൈനാപ്പിള് മേഖലയിലെ പ്രതിസന്ധി തുടരുന്നു. സംസ്ഥാന ഹോര്ട്ടികോര്പ്പ് പൈനാപ്പിള് സംഭരിച്ച് വില്പന നടത്താന് തയാറായിരുന്നു. മേഖലയിലെ ഉപോത്പന്ന നിര്മാണ കമ്ബനികളും നിയന്ത്രണ വിധേയമായി പ്രവര്ത്തനം ആരംഭിച്ചു. കൃഷി ഓഫീസര്മാരുടെ സംഘടനയും ജനറല് മര്ച്ചന്റ്സ് അസോസിയേഷനും വില്പനയില് സഹകരിച്ച് തോട്ടങ്ങളില് പൈനാപ്പിള് നശിക്കുന്ന അവസ്ഥ ഏറെക്കുറെ ഒഴിവായിരുന്നു.
പൈനാപ്പിളിന്റെ വിലയിടിവ് പ്രചരിച്ചതോടെ ഇതര സംസ്ഥാന വിപണിയില് ലോക്ക്ഡൗണിനിടയിലും അനിയന്ത്രിതമായ തിരക്കും അനുഭവപ്പെട്ടു.