ദുരിതാശ്വാസ നിധിയിലേക്ക് ആരക്കുഴ സര്വീസ് സഹകരണ ബാങ്കിന്റെ സംഭാവന
മുവാറ്റുപുഴ: കോവിഡ്-19 പ്രതിരോധനത്തിന്റെ ഭാഗമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ആരക്കുഴ സര്വീസ് സഹകരണ ബാങ്ക് സംഭാവന നല്കി. 9,04,068 രൂപയുടെ ചെക്ക് ബാങ്ക് പ്രസിഡന്റ് ടോമി വള്ളമറ്റം, മൂവാറ്റുപുഴ അസിസ്റ്റന്റ് രജിസ്ട്രാര് വിജയകുമാറിന് കൈമാറി. ബോര്ഡ് അംഗങ്ങളായ സിബി തൊട്ടിപറന്നോലില്, ബാലകൃഷ്ണന് പുന്നക്കുഴി, സെക്രട്ടറി സിബി മാത്യു കുഴികണ്ണിയില്, യൂണിറ്റ് ഇന്സ്പെക്ടര് ദിനേശ് എന്നിവര് പങ്കെടുത്തു. ബിപിഎല് ലിസ്റ്റില്പെട്ട ബാങ്ക് അംഗങ്ങള്ക്ക് സൗജന്യമായി ഭക്ഷ്യധാന്യ കിറ്റ് വിതരണം ചെയ്യുവാന് ഭരണസമിതി തീരുമാനമെടുത്തു.