വീടിന് മുകളിൽ തെങ്ങ് വീണു
കോതമംഗലം: വേനല്‍ മഴക്കൊപ്പമുണ്ടായ കാറ്റില്‍ വീടിന്‍റെ മുകളില്‍ തെങ്ങ് വീണ് മേല്‍ക്കൂര തകര്‍ന്നു. കീരന്പാറ കല്ലാനിക്കപടി പോക്കളം പി.എന്‍. ബിനുവിന്‍റെ വീടിന് മുകളിലാണ് ഇന്നലെ വൈകുന്നേരമുണ്ടായ കാറ്റില്‍ തെങ്ങ് വീണത്.
സമീപ പുരയിടത്തിലെ മാവ് ഒടിഞ്ഞ് തെങ്ങില്‍ വീണതിനെത്തുടര്‍ന്ന് തെങ്ങും ഒടിഞ്ഞു വീഴുകയായിരുന്നു. വീട്ടില്‍ ഉണ്ടായിരുന്ന ആര്‍ക്കും പരിക്കില്ല. സീനിയര്‍ ഫയര്‍ ആന്‍ഡ് റെസ്ക്യൂ ഓഫീസര്‍ കെ.എം. മുഹമ്മദ് ഷാഫിയുടെ നേതൃത്വത്തില്‍ ഗ്രേഡ് അസിസ്റ്റന്‍റ് സ്റ്റേഷന്‍ ഓഫീസര്‍ കെ.കെ.ബിനോയി,കെ.എം ഇബ്രാഹിം,ജയിസ് ജോയ്,എസ്ൻ.ഷാദ്സി.എസ് അനിൽകുമാർ എന്നിവരും രക്ഷാപ്രവർത്തനത്തിൽ പങ്കെടുത്തു.
