ഇടുക്കി രൂപതയുടെ പ്രഥമ ബിഷപ്പ് മാര് മാത്യു ആനിക്കുഴിക്കാട്ടില് കാലം ചെയ്തു .സംസ്കാരം ചൊവ്വാഴ്ച
മുവാറ്റുപുഴ :ഇടുക്കി രൂപതയുടെ പ്രഥമ ബിഷപ്പ് മാര് മാത്യു ആനിക്കുഴിക്കാട്ടില്(78) കാലം ചെയ്തു .വാര്ധക്യസഹജമായ അസുഖങ്ങളെ തുടര്ന്ന് ഏറെക്കാലമായി ചികിത്സയിലായിരുന്നു. കോലഞ്ചേരിയിലെ സ്വകാര്യ ആശുപത്രിയില് ഇന്ന് പുലര്ച്ചെ ഒന്നരയോടെയായിരുന്നു അന്ത്യം.
മൃതദേഹം മൂവാറ്റുപുഴയിലെ നിർമ്മല മെഡിക്കൽ സെന്ററിൽ സൂക്ഷിച്ചിരിക്കുകയാണ്. 2003 ല് ഇടുക്കി രൂപത രൂപവത്കരിച്ചപ്പോള് അധ്യക്ഷ പദവിയിലേക്ക് അദ്ദേഹം നിയോഗിക്കപ്പെട്ടു. അന്നു മുതല്2018 വരെ 15 വര്ഷക്കാലം രൂപതയുടെ ചുമതല വഹിച്ചു.
മൃതസംസ്കാരം മെയ് .5 ചൊവ്വാഴ്ച ഉച്ചകഴിഞ്ഞ് 2.30 ന് വാഴത്തോപ്പ് കത്തീഡ്രലിൽ മേജർ ആർച്ച് ബിഷപ്പ് കർദ്ദിനാൾ മാർ ജോർജ് ആലഞ്ചേരിയുടെ മുഖ്യകാർമ്മികത്വത്തിൽ നടക്കും. സർക്കാരും ആരോഗ്യ വകുപ്പും നൽകുന്ന നിർദ്ദേശങ്ങൾ പാലിച്ചായിരിക്കും ക്രമീകരണങ്ങൾ നടത്തുക.
75 വയസ്സ് പൂര്ത്തിയായപ്പോള് 2018 ല് അദ്ദേഹം സ്ഥാനം ഒഴിയുകയായിരുന്നു. ഇടുക്കിയിലെ ഭൂസമരങ്ങള്ക്ക് നേതൃത്വം കൊടുത്ത മാര് മാത്യു ആനക്കുഴിക്കാട്ടില് ഹൈറേഞ്ച് സംരക്ഷണ സമിതിയുടെ രക്ഷാധികാരി സ്ഥാനവും വഹിച്ചിരുന്നു.വിശ്വാസികളുടെയും ജില്ലയിലെ കുടിയേറ്റ കര്ഷകരുടെയും അവകാശങ്ങള്ക്കുവേണ്ടിയുള്ള ശബ്ദമായിരുന്നു പതിറ്റാണ്ടുകളോളം ആനിക്കുഴിക്കാട്ടിലിന്റേത്. കാനോന് നിയമപ്രകാരം 75 വയസ്സുകഴിഞ്ഞ ബിഷപ്പുമാര് വിരമിക്കണം. അതനുസരിച്ച് 2018 ല് സ്ഥാനമൊഴിയുകയായിരുന്നു.