ഡിവൈഎഫ്ഐയുടെ10 രൂപ ചലഞ്ചിൽ ലഭിച്ച തുക മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് നൽകി.

   

മൂവാറ്റുപുഴ:ഡി.വൈ.എഫ്ഐ യുടെ 10 രൂപ ചലഞ്ചിൽ ലഭിച്ച തുക
കോവിഡ് -19 പ്രതിരോധ പ്രവർത്തനത്തിന്റെ ഭാഗമായി
മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് നൽകി. മൂവാറ്റുപുഴ ബ്ലോക്ക് കമ്മിറ്റിയുടെ നേതൃത്വത്തിൽ 157 യൂണിറ്റ് കമ്മിറ്റികൾ പത്ത് ദിവസം കൊണ്ട് സ്വരൂപിച്ച 1,49,102 രൂപ സി പി ഐ എം ജില്ലാ സെക്രട്ടറി സി എൻ മോഹനന് ഡിവൈഎഫ്ഐ ബ്ലോക്ക് സെക്രട്ടറി അനീഷ് എം മാത്യു കൈമാറി.സി പി ഐ എം ജില്ലാ സെക്രട്ടേറിയറ്റ് അംഗങ്ങളായ പി എം ഇസ്മയിൽ, പി ആർ മുരളീധരൻ, ഏരിയാ സെക്രട്ടറി എം ആർ പ്രഭാകരൻ, ഡിവൈഎഫ്ഐ ബ്ലോക്ക് പ്രസിഡന്റ് ഫെബിൻ പി മൂസ, ട്രഷറർ എം എ റിയാസ് ഖാൻ എന്നിവർ പങ്കെടുത്തു.
1413 യൂണിറ്റ് എക്സിക്യൂട്ടീവ് കമ്മിറ്റി അംഗങ്ങൾ, 220 മേഖലാ കമ്മിറ്റി അംഗങ്ങൾ, 25 ബ്ലോക്ക് കമ്മിറ്റി അംഗങ്ങളും അവരുടെ നേതൃത്വത്തിൽ യൂണിറ്റുകളിൽ പ്രവർത്തകരിൽ നിന്നും മുൻകാല നേതാക്കളിൽ നിന്നും അനുഭാവികളിൽ നിന്നുമാണ് തുക സമാഹരിച്ചത്.