ഭക്ഷ്യവിഷബാധ: കടയുടമ പിഴയടച്ചു
മൂവാറ്റുപുഴ: ബേക്കറിയില്നിന്നു വാങ്ങിയ പപ്സ് ഉള്പ്പെടെയുള്ള ഭക്ഷ്യസാധനങ്ങള് കഴിച്ചതിനെ തുടര്ന്ന് കുടുംബാംഗങ്ങള്ക്ക് വിഷബാധയുണ്ടായ സംഭവത്തില് കടയുടമ പിഴയടച്ചു.ആയവന തോട്ടപ്പാട്ട് സുജ സന്തോഷ് നല്കിയ പരാതിയെത്തുടര്ന്നാണ് മൂവാറ്റുപുഴ ഫുഡ് സേഫ്റ്റി ഓഫീസര് 3000 രൂപ പിഴയടയ്ക്കാന് ഉത്തരവിട്ടത്. ഏതാനും മാസങ്ങള്ക്കു മുന്പ് കല്ലൂര്ക്കാട് പ്രവര്ത്തിക്കുന്ന ബേക്കറിയില്നിന്നു വാങ്ങിയ പപ്സ് കഴിച്ച് സുജ സന്തോഷിന്റെ കുടുംബത്തിലെ കുട്ടികളടക്കമുള്ളവര്ക്ക് പനി, വയറിളക്കം, ഛര്ദ്ദി എന്നിവ ഉണ്ടായതിനെത്തുടര്ന്ന് മൂവാറ്റുപുഴയിലെ സ്വകാര്യ ആശുപത്രിയില് ചികിത്സ തേടിയിരുന്നു.പിന്നീട് ആര്ഡിഒ അടക്കമുള്ളവര്ക്ക് നല്കിയ പരാതിയെത്തുടര്ന്നാണ് പിഴയടയ്ക്കാന് ഉത്തരവിട്ടത്.