പുഴയോര സംരക്ഷണത്തിനു പദ്ധതി തയാറാക്കുന്നു
മൂവാറ്റുപുഴ: ബ്ലോക്ക് പഞ്ചായത്ത് വാര്‍ഷിക പദ്ധതിയില്‍പ്പെടുത്തി പുഴയോര സംരക്ഷണത്തിനു പദ്ധതി തയാറാക്കുന്നു. കാളിയാര്‍ പുഴയ്ക്ക് ഇരുവശങ്ങളിലുമായി ഇല്ലിത്തൈ നട്ട് പിടിപ്പിക്കും. വളര്‍ന്ന് വരുന്പോള്‍ ഇല്ലിയുടെ വേരുകള്‍ പുഴയുടെ തീരത്ത് പടര്‍ന്ന് പിടിക്കുകയും ഇതിലൂടെ പുഴയുടെ വശങ്ങള്‍ സംരക്ഷിക്കുകയുമാണ് പദ്ധതികൊണ്ട് ഉദ്ദേശിക്കുന്നത്.
ബ്ലോക്ക് പഞ്ചായത്ത് വൈസ് പ്രസിഡന്‍റ് സുഭാഷ് കടയ്ക്കോട്ട് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് റെബി ജോസ് അധ്യക്ഷത വഹിച്ചു.
യോഗത്തില്‍ ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ ജാന്‍സി ജോര്‍ജ്, മേഴ്സി ജോര്‍ജ്, വിന്‍സന്‍റ് ജോസഫ്, പി.എം.ഹസൈനാര്‍, റാണി റെജി, ദീപ ജിജിമോന്‍, ഗ്രേസി സണ്ണി, ടാനി തോമസ്, എം.എസ്. സഹിത, ബോസ് മത്തായി തുടങ്ങിയവര്‍ പങ്കെടുത്തു.
