കെഎസ്ആർടിസി ബസുകളിൽ സുരക്ഷാ ക്യാബിൻ ഒരുങ്ങി
മൂവാറ്റുപുഴ: കോവിഡ് ഡ്യൂട്ടിയില് സര്വീസ് നടത്തുന്ന കെഎസ്ആര്ടിസി ബസില് ജീവനക്കാര്ക്ക് കൂടുതല് സുരക്ഷയൊരുക്കുന്നതിന്റെ ഭാഗമായി കാബിനൊരുക്കി. ഡ്രൈവര്, കണ്ടക്ടര് വിഭാഗം ജീവനക്കാര്ക്ക് യാത്രക്കാരുമായി നേരിട്ടു സന്പര്ക്കം വരാത്തവിധത്തില് ഇടത്തുവശത്തെ മുന്ഭാഗത്തെ സിംഗിള് സീറ്റ് കൂടി ഉള്പ്പെടുത്തിയാണ് കാബിന് നിര്മിച്ച് സുരക്ഷയൊരുക്കിയിരിക്കുന്നത്.വിമാനത്താവളത്തില്നിന്നും പ്രവാസികളെയും ഇതരസംസ്ഥാനങ്ങളില് നിന്നുമെത്തുന്നവരേയും വിവിധ ക്വാറന്റൈന് കേന്ദ്രങ്ങളിലേക്കും മറ്റും മാറ്റുന്നതിനായി സര്വീസ് നടത്തുന്ന മൂവാറ്റുപുഴ ഡിപ്പോയിലെ 15ഓളം ബസുകളിലാണ് കാബിനൊരുക്കുന്നത്.പ്രാരംഭമായി മൂവാറ്റുപുഴ ഡിപ്പോയിലെ രണ്ട് സൂപ്പര്ഫാസ്റ്റ് ബസുകള്ക്ക് ആലുവയിലെ വര്ക്കുഷോപ്പില്നിന്നു കാബിന് സജ്ജീകരിച്ചു.
ഇതിന്റെ ഭാഗമായി മൂവാറ്റുപുഴ ഡിപ്പോയില് ക്യാബിന് നിര്മാണ സൗകര്യം ഏര്പ്പെടുത്തുമെന്നും വരും ദിവസങ്ങളില് കോ വിഡ് ഡ്യൂട്ടിയില് സര്വീസ് നടത്തുന്ന മുഴുവന് ബസുകളില് കാബിനൊരുക്കുമെന്നും അധികൃതര് അറിയിച്ചു.കോവിഡ് ഡ്യൂട്ടി ആരംഭിച്ചതോടെ തങ്ങള്ക്ക് സുരക്ഷ ഏര്പ്പെടുത്തണമെന്ന് ആവശ്യപ്പെട്ട് വിവിധ തൊഴിലാളി സംഘടനകള് സമരങ്ങള് സംഘടിപ്പിച്ചിരുന്നു