കോളേജ് വിദ്യാര്ത്ഥികള് സഞ്ചരിച്ച കാര് നിയന്ത്രണം വിട്ട് മറിഞ്ഞു: ഒരാള് മരിച്ചു
മൂവാറ്റുപുഴ: കോളേജ് വിദ്യാര്ത്ഥികള് സഞ്ചരിച്ച കാര് നിയന്ത്രണം വിട്ട് താഴ്ചയിലേക്ക് മറിഞ്ഞ് അപകടം ഒരാള് മരിച്ചു. അപകടത്തില് എറണാകുളം പുത്തന്കുരിശ് മലയില് ആയുഷ് ബോബി(20) ആണ് മരിച്ചത്. മൂവാറ്റുപുഴ- തൊടുപുഴ റോഡില് നിര്മ്മല കോളേജ് ഹോസ്റ്റല് ജംഗ്ഷന് സമീപമാണ് അല് അസ്ഹര് കോളേജ് വിദ്യാര്ത്ഥികള് സഞ്ചാരിച്ച കാര് നിയന്ത്രണം വിട്ട് മറിഞ്ഞത്. ഇന്ന് രാവിലെ ഒന്പത് മണിയോടെയാണ് അപകടം ഉണ്ടായത് . ആറ് വിദ്യാര്ത്ഥികളായിരുന്നു വാഹനത്തില് ഉണ്ടായിരുന്നത്. ആസ്വഖ് അഹമ്മദ്, വിഷ്ണു എന്.ആര് എന്നിവരെ ഗുരുതര പരിക്കുകളോടെ കോലഞ്ചേരി ആശുപത്രിയിലും. അരുണ് ദിനേശ്, ഫസലു റഹ്മാന്, സ്റ്റെഫിന് വില്സണ് എന്നിവരെ നിര്മ്മല ആശുപത്രിയിലും പ്രവേശിപ്പിച്ചു. ഫയര്ഫോഴ്സും പോലീസും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തിയത്.