ലോക്ക് ഡൗണില്‍ തരംഗമായി ചക്കകുരു ഷേക്ക്.
മുവാറ്റുപുഴ : ലോക്ക് ഡൗണില്‍ തരംഗമായി ചക്കകുരു ഷേക്ക്.ചക്കയുടെ പുതിയ പാചകക്കൂട്ടുകള്‍ പരീക്ഷിക്കുന്ന തിരക്കിലാണ് മലയാളികൾ. ഷാര്‍ജ ഷെയ്ക്, ബദാം ഷെയ്ക്ക് എന്നിവയെയെല്ലാം കടത്തിവെട്ടുന്നതാണ് ചക്കക്കുരു ഷെയ്ക്ക് എന്നാണ് ഉണ്ടാക്കിയവരും കഴിച്ചവരുമെല്ലാം സാക്ഷ്യപ്പെടുത്തുന്നത്. അനായാസം ആര്‍ക്കും തയാറാക്കാമെന്നതാണ് ചക്കക്കുരു ജ്യൂസിന്റെ സവിശേഷത.
ചക്കക്കുരു ജ്യൂസ് തയ്യാറാക്കുന്ന രീതി:-
ചക്കക്കുരുവിന്റെ പുറത്തെ ആവരണ തൊലി കളഞ്ഞ് (ബ്രൗൺ കളർ കളയാതെ) കുക്കറിൽ രണ്ടോ-മൂന്നോ വിസിൽ വരുന്നത് വരെ അല്പം വെള്ളം ഒഴിച്ച് പുഴുങ്ങി എടുക്കുക. ചൂട് ആറിയതിന് ശേഷം മിക്സിയിൽ ഒരു സ്പൂൺ പാൽ ചേർത്ത് അടിച്ചെടുക്കുക. പരുവമായതിന് ശേഷം അതിലേക്ക് ബാക്കി പാലും പഞ്ചസാരയും ചേർത്ത് ഒന്നുകൂടി അടിച്ചെടുത്ത് ഏലക്ക പൊടിച്ച്‌ ചേർത്താൽ ചക്കക്കുരു ഷേക്ക് റെഡി. തണപ്പിച്ചു കഴിച്ചാൽ രുചി കൂടുന്നതായി അനുഭവസ്ഥർ സാക്ഷ്യപ്പെടുത്തുന്നു.
