മൂവാറ്റുപുഴയിൽ കോവിഡ് വാക്സിനേഷൻ സൗകര്യമില്ല; കെ.എസ്.യു. നിയോജകമണ്ഡലം കമ്മിറ്റി പ്രതിഷേധിച്ചു.
മൂവാറ്റുപുഴ: കോവിഡ് വാക്സിനേഷൻ സ്വീകരിക്കുന്നതിന് മൂവാറ്റുപുഴ നഗരത്തിൽ സൗകര്യമൊരുക്കാത്തതിൽ കെ.എസ്.യു. നിയോജകമണ്ഡലം കമ്മിറ്റിയുടെ നേതൃത്വത്തിൽ പ്രതിഷേധം രേഖപ്പെടുത്തി. എറണാകുളം ജില്ലയുടെ കിഴക്കൻ മേഖലയിലെ സാധാരണക്കാരായ ജനങ്ങൾക്ക് വാഹന സൗകര്യം കുറവുള്ള ഈ സമയത്ത് കോവിഡ് വാക്സിനേഷൻ സ്വീകരിക്കുന്നതിന് സമീപപ്രദേശങ്ങളിലെ ആശുപത്രികളെ ആശ്രയിക്കേണ്ട അവസ്ഥയാണ്. ഈ പ്രദേശത്തോടുള്ള അവഗണനയാണ് ഇതിന് കാരണം എന്ന് കെ.എസ്.യു. നിയോജക മണ്ഡലം പ്രസിഡന്റ് ജെറിൻ ജേക്കബ് പോൾ പറഞ്ഞു. മൂവാറ്റുപുഴ ജനറൽ ആശുപത്രിയിൽ കോവിഡ് വാക്സിനേഷൻ സെന്റർ ആരംഭിക്കാനുള്ള അടിയന്തര നടപടികൾ ആരംഭിക്കണമെന്നാവശ്യപ്പെട്ട് കെ.എസ്.യു. ആരോഗ്യ മന്ത്രിക്ക് നിവേദനം അയച്ചു.
