പൂനാക്കരാർ ദിനത്തെ അനുസ്മരിച്ച് കെപിഎംഎസ്
കോലഞ്ചേരി:ഇന്ത്യക്കു സ്വാതന്ത്ര്യം ലഭിച്ചതിനു ശേഷം ഉണ്ടാവേണ്ട രാഷ്ട്രീയസാഹചര്യങ്ങളിൽ അയിത്തജാതിക്കാരുടെ നിയമസഭാ പ്രാതിനിധ്യത്തെ സംബന്ധിച്ച് ഉടലെടുത്ത തർക്കത്തിനൊടുവിൽ ഒത്തുതീർപ്പായ പൂനാ പാക്ട് അഥവാ പൂനാക്കരാർ ദിനത്തെ അനുസ്മരിച്ച് കെപിഎംഎസ്.കുന്നത്തുനാട് താലൂക്ക് യൂണിയൻ കമ്മിറ്റിയുടെ നേതൃത്വത്തിൽ നടന്ന പൂനാക്കരാർ ദിനാചരണം കെപിഎംഎസ് സംസ്ഥാനപ്രസിഡന്റ് വി സി ശിവരാജൻ ഉദ്ഘാടനം ചെയ്തു. യൂണിയൻ പ്രസിഡന്റ് എംഓ സുനിൽകുമാർ അധ്യക്ഷത വഹിച്ച യോഗത്തിൽ സംസ്ഥാന സെക്രട്ടേറിയേറ്റംഗം കെ കെ ഗോപാലൻമാസ്റ്റർ മുഖ്യപ്രഭാഷണം നടത്തി.യൂണിയൻ സെക്രട്ടറി പി സി വള്ളോൻ,ട്രഷറാർ കെ കെ ശിവദാസ് തുടങ്ങിയവർ പങ്കെടുത്തു. (സജോ സക്കറിയ ആൻഡ്രൂസ് – കോലഞ്ചേരി )