മേഖലയിൽ കോവിഡ് പിടിമുറുക്കുന്നു:-വാക്സിന് ക്ഷാമം….
മൂവാറ്റുപുഴ: മൂവാറ്റുപുഴ മേഖലയില് കോവിഡ് പിടിമുറുക്കുമ്പോളും വാക്സിന് ക്ഷാമം രൂക്ഷം. മണ്ഡലത്തിലെ വിവിധ കോവിഡ് വാക്സിനേഷന് സെന്ററുകളുടെ പ്രവര്ത്തനം താത്കാലികമായി നിര്ത്തിവച്ചിരിക്കുകയാണ്. സ്വകാര്യ ആശുപത്രികളിലും ചില സര്ക്കാര് വാക്സിനേഷന് കേന്ദ്രങ്ങളിലും മാത്രം പരിമിതമായ തോതില് വാക്സിനേഷന് നടക്കുന്നുണ്ട്.
മാറാടി പഞ്ചായത്തില് വാക്സിന് തീര്ന്നതിനാല് വാക്സിനേഷന് നിര്ത്തിവച്ചു. ആരക്കുഴ പഞ്ചായത്തില് ഇന്നലെ നടത്താന് നിശ്ചരിച്ചിരുന്ന വാക്സിനേഷന് ക്യാമ്ബും മാറ്റിവച്ചു.എന്നാല് മൂവാറ്റുപുഴ നഗരസഭയിലെ താലൂക്ക് ആശുപത്രിയില് നിശ്ചയിച്ചതു പ്രകാരം വാക്സിനേഷന് പുരോഗമിക്കുന്നുണ്ട്. പായിപ്ര പഞ്ചായത്തിലും വാക്സിനേഷന് നടക്കുന്നുണ്ട്.
വാളകത്ത് വ്യാഴാഴ്ച മുതല് വാക്സിനേഷന് നിര്ത്തി. അന്നേ ദിവസം ആകെ 60 ഡോസാണ് നല്കാന് സാധിച്ചത്. ആവോലി പഞ്ചായത്തില് വാര്ഡ് അടിസ്ഥാനത്തില് നടത്തിയിരുന്ന വാക്സിനേഷനും തടസപ്പെട്ടു. പഞ്ചായത്തുകളില് ഉള്പ്പെടെ പ്രതിദിന കോവിഡ് വാക്സിനേഷന്റെ എണ്ണം വര്ധിപ്പിക്കാന് അപേക്ഷ നല്കിയിട്ടും പരിഹാരമായിട്ടില്ലെന്ന് ആക്ഷേപമുണ്ട്. 100,150 എണ്ണം പ്രതിദിന വാക്സിന് നല്കുന്നിടത്ത് 500 പേര്ക്കെങ്കിലും നല്കാനാവണമെന്നാണ് പഞ്ചായത്ത് അധികൃതരുടെ ആവശ്യം. തിങ്കളാഴ്ചയോടെ എല്ലായിടത്തും വാക്സിനേഷന് പുനരാരംഭിക്കാന് സാധിക്കുമെന്ന പ്രതീക്ഷയിലാണ് അധികൃതര്.