വാട്സ്ആപ്പ് സ്റ്റാറ്റസ് വഴിയുള്ള തട്ടിപ്പിന് സാധ്യത സംബന്ധിച്ചു മുന്നറിയിപ്പുമായി കേരള പോലീസ്
മൂവാറ്റുപുഴ :സ്റ്റാറ്റസിലൂടെ ദിവസവും 500 രൂപ വരെ നേടാൻ അവസരം എന്ന രീതിയിൽ ബാങ്ക് അക്കൗണ്ടുകളുടെ വിവരങ്ങൾ തട്ടിയെടുത്ത് പണം അപഹരിക്കാൻ ശ്രമം നടക്കുന്നതായി മുന്നറിയിപ്പ് നൽകി കേരള പോലീസ്.
ഇന്നലെ മുതൽ നിരവധി ആളുകൾ സ്റ്റാറ്റസിലൂടെ ദിവസവും 500 രൂപ വരെ സമ്പാദിക്കാം എന്ന രീതിയിൽ വാട്സ് ആപ്പിലൂടെ ഷെയർ ചെയ്യുന്നുണ്ടായിരുന്നു. ഇത് ശ്രദ്ധയിൽപ്പെട്ടപ്പോൾ ആണ് ഇതിനെ സംബന്ധിച്ചു ഔദ്യോഗിക വിശദീകരണവുമായി പോലീസ് ഇപ്പോൾ രംഗത്ത് വന്നിരിക്കുന്നത്. സ്റ്റാറ്റസിനൊപ്പം നൽകിയിരിക്കുന്ന ലിങ്കിൽ ക്ലിക്ക് ചെയ്താൽ ഒറ്റ പേജുള്ള ഒരു വെബ്സൈറ്റിലേക്കാണ് പോയിരുന്നത്.പ്രമുഖ ബ്രാൻഡുകളുടെ പരസ്യങ്ങൾ വാട്സ്ആപ്പിൽ സ്റ്റാറ്റസായി പോസ്റ്റ് ചെയ്താൽ ഒരു സ്റ്റാറ്റസിന് 10 മുതൽ 30 രൂപ വരെ ലഭിക്കുമെന്നും വാട്സ്ആപ്പിലൂടെ മാത്രം 500 രൂപ നേടാമെന്നുമാണ് പ്രചരണം.ഇതിൽ രജിസ്റ്റർ ചെയ്യുന്ന ആളുകളുടെ ബാങ്കുമായി ബന്ധപ്പെട്ട വിവരങ്ങൾ ശേഖരിച്ചു തട്ടിപ്പുകൾക്കായി ഉപയോഗിക്കാനുള്ള സാധ്യത പോലീസ് ചൂണ്ടികാട്ടുന്നു. ഇത്തരം വ്യാജ പ്രചരണങ്ങൾക്കും തട്ടിപ്പുകൾക്കെതിരെ ജനങ്ങൾ ജാഗ്രത പാലിക്കണമെന്നും പോലീസ് അറിയിച്ചു.
https://www.facebook.com/124994060929425/posts/3280563425372457/
