പെട്രോളിയം ഉൽപന്നങ്ങളെ ജിഎസ്ടി പരിധിയിൽ കൊണ്ടുവരാനാകില്ലെന്ന് ജിഎസ്ടി കൗൺസിൽ.
കൊച്ചി: പെട്രോളിയം ഉൽപന്നങ്ങളെ ജിഎസ്ടി പരിധിയിൽ കൊണ്ടുവരാനാകില്ലെന്ന് ജിഎസ്ടി കൗൺസിൽ. ഹൈക്കോടതിയിലാണ് ജിഎസ്ടി കൗൺസിൽ നിലപാട് അറിയിച്ചത്.പെട്രോളിയം ഉത്പന്നങ്ങൾ പ്രധാന വരുമാന മാർഗമാണ്. ഇക്കാര്യത്തിൽ കൂടുതൽ ആലോചന വേണം. കോവിഡ് കാലമായതിനാൽ ഇപ്പോൾ ഇക്കാര്യം പരിഗണിക്കാനാവില്ലെന്നും ജിഎസ്ടി കൗൺസിൽ കോടതിയെ അറിയിച്ചു.കൗൺസിലിന്റെ മറുപടിയിൽ അതൃപ്തി പ്രകടിപ്പിച്ച കോടതി കൃത്യമായ മറുപടി പറയാൻ കേന്ദ്രത്തിന് നിർദേശം നൽകി. ഹർജി ഡിസംബർ രണ്ടാം വാരം കോടതി വീണ്ടും പരിഗണിക്കും.