അഗ്നിരക്ഷസേനയുടെ അണുനശീകരണ ഉപകരണം പണിമുടക്കി
മൂവാറ്റുപുഴ: നഗരത്തില് കോവിഡ് വ്യാപനം രൂക്ഷമായികൊണ്ടിരിക്കുന്ന സാഹചര്യത്തില് അഗ്നിരക്ഷസേനയുടെ അണുനശീകരണ ഉപകരണം പണിമുടക്കിയത് മേഖയില് പ്രതിസന്ധി ഉയര്ത്തുന്നു. അണുനശീകരണം നടത്തുന്നതിന് അണുനാശിനിയായി ഉപയോഗിക്കുന്ന സോഡിയം ഹൈപ്പോ ക്ലോറൈഡ് എന്ന രാസവസ്തു വാഹനത്തില് ശേഖരിച്ചതാണ് യന്ത്രങ്ങളുടെ തകരാറിനു കാരണമായിരിക്കുന്നത്.
ഈ രാസവസ്തുവില് നിന്നുണ്ടായ പ്രതിഫലനം മൂലം വാഹനത്തിന്റെ ചില ഭാഗങ്ങള് ജീര്ണിച്ചു. ഇതോടെ യന്ത്രം തകരാറിലുമായി. മൂവാറ്റുപുഴയില് കോവിഡ് വ്യാപന മേഖലയില് അഗ്നിരക്ഷാ സേനയുടെ നേതൃത്വത്തില് സൗജന്യമായി അണുനശീകരണം നടത്തിയിരുന്നു.കൂടാതെ വാഹനത്തിന്റെ ചില ഭാഗങ്ങള്ക്കൊപ്പം അണുനശീകരണത്തിന് ഉപയോഗിച്ച പന്പും രാസവസ്തു മൂലം തകരാറിലായിട്ടുണ്ട്. പന്പ് ഉപയോഗിച്ച് അണുനശീകരണം നടത്തിയതിനെത്തുടര്ന്ന് രാസവസ്തു ദേഹത്തു വീണ് അഗ്നിരക്ഷാസേന ഉദ്യോഗസ്ഥര്ക്ക് പൊള്ളലേറ്റിരുന്നു.
നിലവില് പ്ലാസ്റ്റിക് പന്പ് ഉപയോഗിച്ചാണ് അഗ്നിരക്ഷാസേന അണുനശീകരണം നടത്തുന്നത്.
കോവിഡ് വ്യാപനം രൂക്ഷമായിക്കൊണ്ടിരിക്കുന്ന ഈ സാഹചര്യത്തില് യന്ത്രവും മറ്റും തകരാറിലയത് പ്രതിസന്ധി ഉണ്ടാക്കുന്നുണ്ട്. സൗജന്യമായി അണുനശീകരണം നടത്തിയിരുന്ന അഗ്നിരക്ഷാസേനയുടെ പ്രവര്ത്തനം നിലച്ചതോടെ ചില സ്വകാര്യ കന്പനികള് അവസരം മുതലെടുത്ത് മേഖലയില് അണുനശീകരണം നടത്തുന്നുണ്ട്.