പഞ്ചായത്തുകളുടേയും കൃഷിഭവനുകളുടേയും ആഭിമുഖ്യത്തിൽ ഇന്ന് കർഷക ദിനാചരണം
വാഴക്കുളം: പഞ്ചായത്തുകളുടേയും കൃഷിഭവനുകളുടേയും ആഭിമുഖ്യത്തിലുള്ള കർഷക ദിനാചരണം ഇന്ന് നടത്തും. മഞ്ഞള്ളൂർ പഞ്ചായത്ത് കൃഷിഭവൻ ഹാളിൽ രാവിലെ 9 ന് ജില്ലാ പഞ്ചായത്തു പ്രസിഡൻ്റ് ഉല്ലാസ് തോമസ് ഉദ്ഘാടനം ചെയ്യും. പഞ്ചായത്തു പ്രസിഡൻറ് ആൻസി ജോസ് യോഗത്തിൽ അധ്യക്ഷത വഹിക്കും.ബ്ലോക്ക് പഞ്ചായത്ത് പ്രസിഡൻറ് കെ.ജി രാധാകൃഷ്ണൻ മികച്ച കർഷകരെ ആദരിക്കും.പഞ്ചായത്ത് വൈസ് പ്രസിഡൻറ് ടോമി തന്നിട്ടാമാക്കൽ മികച്ച കർഷക തൊഴിലാളിയെ ആദരിക്കും.ബ്ലോക്ക് പഞ്ചായത്തംഗം ജോസി ജോളി,മഞ്ഞള്ളൂർ പഞ്ചായത്ത് മുൻ പ്രസിഡൻറ് ജോസ് പെരുമ്പിള്ളിക്കുന്നേൽ, സ്ഥിരം സമിതി അധ്യക്ഷരായ സെലിൻ ഫ്രാൻസിസ്, ജയമോൾ സന്തോഷ്, ജോസ് കൊട്ടുപ്പിള്ളിൽ തുടങ്ങിയവർ പ്രസംഗിക്കും.
ആരക്കുഴ പഞ്ചായത്തിൽ രാവിലെ 10ന് പണ്ടപ്പിള്ളി സ്വാശ്രയ കാർഷിക വിപണന സമിതി ഓഡിറ്റോറിയത്തിൽ മാത്യു കുഴൽ നാടൻ എംഎൽഎ കാർഷിക ദിനാഘോഷം ഉദ്ഘാടനം ചെയ്യും. പഞ്ചായത്തു പ്രസിഡൻറ് ജാൻസി മാത്യു അധ്യക്ഷത വഹിക്കും. ജില്ലാ പഞ്ചായത്തു പ്രസിഡൻ്റ് ഉല്ലാസ് തോമസ് മുതിർന്ന കർഷകരെ ആദരിക്കും. ബ്ലോക്ക് പഞ്ചായത്തു പ്രസിഡൻ്റ് കെ.ജി രാധാകൃഷ്ണൻ കർഷകർക്ക് ഉപഹാര സമർപ്പണം നടത്തും. പ്രിയാ മോൾ തോമസ്, സാബു പൊതൂർ, ബെസ്റ്റിൻ ചേറ്റൂർ തുടങ്ങിയവർ പ്രസംഗിക്കും.
